Latest Marathi News

America Entry in Israel Iran War: इस्रायल आणि इराणमध्ये सुरू असलेल्या युद्धात अखेर अमेरिकेने उडी घेतली. अमेरिकेने इराणमधील तीन अणु प्रकल्पांवर हल्ले केले. यानंतर आता जगभरात प्रतिक्रिया उमटत आहेत. पंतप्रधान नरेंद्र मोदी यांनी लवकरात लवकर शांतता निर्माण होण्याची गरज असल्याचे मत व्यक्त केले. तसेच इराणच्या राष्ट्राध्यक्षांशी चर्चाही केली. यातच या युद्धात रशिया उडी घेऊ शकतो, अशी शक्यता वर्तवली जात आहे. यातच आता अमेरिकेला प्रत्युत्तर देण्यासाठी इराणकडे कोणते पर्याय आहेत? इराणचे पुढचे पाऊल नेमके काय असेल? याबाबत काही तज्ज्ञांनी मते व्यक्त केली आहेत.मिळालेल्या माहितीनुसार, अमेरिकन हल्ल्यानंतर इराणमध्ये प्रचंड संतप्त वातावरण आहे. अमेरिकाविरोधात आक्रोश आहे. सर्वांच्या मनात बदला घ्यायची भावना तीव्र होत आहे. अशा परिस्थितीत, इराणकडे पहिला पर्याय म्हणजे अमेरिकन तळांवर लक्ष्य करणे, असा असू शकतो. इराण अमेरिकन नौदलाच्या युद्धनौकांनाही लक्ष्य करू शकतो. गेल्या काही वर्षांपासून इराणचे नौदल या संपूर्ण कारवाईचा सराव करत आहे. अमेरिकेवर हल्ला करण्याव्यतिरिक्त इराण राजनैतिक मार्ग निवडू शकतो. हार्मोझ सामुद्रधुनीचा तेल मार्ग बंद करू शकतो. इराणच्या संसदेने या निर्णयाला आधीच हिरवा कंदील दाखवला असून, आता राष्ट्रीय परिषदेला अंतिम मान्यता द्यावी लागेल, असे म्हटले जात आहे. दुसरा पर्याय म्हणजे इराणची एक रणनीती अशीही असू शकते की, सध्या कोणत्याही प्रकारची प्रतिक्रिया द्यायची नाही. योग्य वेळेची वाट पाहायची. योग्य वेळ आल्यावर, इराण अमेरिकेच्या महत्त्वाच्या ठिकाणांना लक्ष्य करू शकतो. इराण अचानक हल्ला करू शकतो. परंतु असे सरप्राइज हल्ले होईपर्यंत इराणमधील सामान्य नागरिक युद्धाच्या वातावरणातून, मानसिकतेतून बाहेर पडलेले असू शकता आणि कारवाईमुळे त्यांना पुन्हा कठीण टप्प्यातून जावे लागेल, असे आव्हान इराणसमोर उभे राहू शकते.तिसरा पर्याय म्हणजे इराण अमेरिकेवर कोणत्याही प्रकारे हल्ला न करता वाटाघाटी करू शकतो. असे करणे इराणसाठी खूप आव्हानात्मक ठरू शकेल. हा त्यांच्या विश्वासार्हतेचा प्रश्न आहे. जर त्याला अमेरिकन हल्ल्यापासून स्वतःचे रक्षण करायचे असेल, इराणवासीयांची सुरक्षितता लक्षात घेता, इराण असा निर्णय घेऊ शकतो. दरम्यान, अमेरिकेच्या या हल्ल्यानंतर आपण मॉस्को येथे रशियाचे राष्ट्रपती व्लादिमीर पुतीन यांना भेटणार असल्याचे इराणचे परराष्ट्रमंत्री अब्बास अराघची यांनी म्हटले आहे. तर दुसरीकडे, अनेक देश इराणला आपली अण्वस्त्रे देण्यास तयार आहेत, असा दावा रशियाचे माजी राष्ट्रपती तथा रशियन सुरक्षा परिषदेचे उपाध्यक्ष दिमित्री मेदवेदेव यांनी म्हटले आहे.

कोल्हापूरच्या शिरपेचात आणखी एक मानाचा तुरा ...

PNB Instant Loan : जर तुम्हालाही पैशांची गरज असेल तर तुम्ही या विशेष सुविधेअंतर्गत बँकेतून पैसे उभे करू शकता. ...

किल्ले शिवनेरीवर उपमुख्यमंत्री अजित पवार यांच्या उपस्थितीत शिवजन्मोत्सव उत्साहात साजरा झाला... ...

जिल्हा प्रशासनाच्या सर्व नियमांचे काटेकोर पालन करून मिरवणूक ...

पुढील महिन्यात पंतप्रधान मोदी पुण्याच्या दौऱ्यावर ...