Latest Marathi News

तुम्ही सुरुवातीच्या काळात गडबडीत किंवा नकळतपणे तयार केलेल्या जीमेल आयडीमुळे आज ऑफिसमध्ये किंवा प्रोफेशनली संकोच वाटतो का? जर हो, तर तुमच्यासाठी एक आनंदाची बातमी आहे. गुगलने आता जीमेलच्या इतिहासातला सर्वात मोठा बदल करत, वापरकर्त्यांना त्यांचे जीमेल युजरनेम बदलण्याची सुवर्णसंधी उपलब्ध करून दिली आहे. गेल्या २२ वर्षांपासून जीमेल वापरकर्ते ज्या फीचरची आतुरतेने वाट पाहत होते, ते अखेर प्रत्यक्षात आले आहे.आता जुने अकाउंट डिलीट न करता बदलता येणार नाव!आतापर्यंत जर कोणाला आपले ईमेल आयडीचे नाव बदलायचे असेल, तर त्यांना जुने अकाउंट बंद करून नवीन अकाउंट उघडावे लागत असे. यामुळे जुन्या ईमेल्स आणि महत्त्वाच्या फाइल्स गहाळ होण्याची भीती असायची. मात्र, आता गुगलने ही अडचण दूर केली आहे. तुम्ही तुमच्या जुन्याच अकाउंटमध्ये राहून '@' चिन्हाच्या आधीचा भाग, म्हणजेच तुमचे युजरनेम बदलू शकणार आहात.प्रोफेशनल लूकसाठी उत्तम संधीअनेकदा आपण कॉलेज लाइफमध्ये किंवा सुरुवातीला मजेशीर नावाने ईमेल आयडी तयार करतो, जो नंतर व्यावसायिक कामांसाठी वापरताना अवघडल्यासारखे होते. या नवीन अपडेटमुळे आता युजर्सना आपली डिजिटल ओळख अधिक प्रोफेशनल आणि सुटसुटीत करता येणार आहे. हे फीचर केवळ युजरनेम बदलण्यासाठीच नाही, तर ऑनलाइन ओळख अधिक प्रभावी करण्यासाठी एक मोठे पाऊल मानले जात आहे.भारतात कधी मिळणार सुविधा?गुगलने सध्या या फीचरची सुरुवात अमेरिकेतील युजर्ससाठी केली आहे. कंपनीच्या ब्लॉग पोस्टनुसार, टप्प्याटप्प्याने हे फीचर जगभरात रोलआउट केले जात आहे. लवकरच हे फीचर आशिया आणि युरोपसह भारतामध्येही उपलब्ध होणार आहे. भारतीय युजर्सना यासाठी फारशी वाट पाहावी लागणार नाही, असे संकेत कंपनीने दिले आहेत. या अपडेटचे सर्वात मोठे वैशिष्ट्य म्हणजे, तुमचे जुने ईमेल आयडी देखील सक्रिय राहणार आहेत. त्यामुळे महत्त्वाचे मेल गहाळ होण्याची किंवा कोणाशी संपर्क तुटण्याची भीती उरणार नाही.

Multibagger Stock: या कंपनीच्या शेअरने गेल्या दोन वर्षांत तब्बल 158185% पेक्षाही अधिकचा परतावा देऊन चकित केले आहे. ...

मॉक्सोहून गोव्याला जाणाऱ्या विमानाच जामनगर विमानतळावर इमर्जन्सी लँडिंग करण्यात आलं आहे. ...

ड्रग्जने भरलेली छोटी पिशवी घेऊन जाणारे कबुतर कॅनडाच्या तुरुंगात पकडण्यात आले आहे. ...

अज्ञात मोबाईलधारकांच्या विरोधात गुन्हा दाखल... ...

एक महिलेला कथितरित्या तब्बल पाच तासांची व्हर्जिनिटी टेस्ट द्यावी लागल्याचा संतापजनक प्रकार समोर आला आहे... ...

भारत विरुद्ध श्रीलंका तीन सामन्यांच्या एकदिवसीय मालिकेतील पहिला सामना उद्या गुवाहाटी येथे खेळवला जाणार आहे. ...