Latest Marathi News

पॅरिस : भारताचा अनुभवी टेनिसपटू रोहन बोपन्ना याने आपला डच जोडीदार एम. मिडेलकूप याच्यासह शानदार कामगिरी करताना फ्रेंच ओपन पुरुष दुहेरीच्या उपांत्य फेरीत धडक मारली. दखल घेण्याची बाब म्हणजे गेल्या ७ वर्षांमध्ये बोपन्ना पहिल्यांदाच एखाद्या ग्रँडस्लॅम स्पर्धेच्या उपांत्य फेरीत पोहोचला आहे. याआधी त्याने २०१५ मध्ये विम्बल्डनची उपांत्य फेरी गाठली होती.बोपन्ना-मिडेलकूप यांनी झुंजार खेळाचे प्रदर्शन करताना लॉयड ग्लासपूल-हेन्री हेलियोवारा यांचा ४-६, ६-४, ७-६ असा पराभव केला. पहिला सेट गमावल्यानंतर पिछाडीवर पडलेल्या बोपन्ना-मिडेलकूप यांनी जबरदस्त पुनरागमन करत सलग दोन सेट जिंकले. याआधी, बोपन्नाने २०१५ मध्ये रोमानियाच्या फ्लोरिन मर्जियासह खेळताना विम्बल्डनची उपांत्य फेरी गाठली होती. बोपन्ना-मिडेलकूप आता १२व्या मानांकित मार्शेलो अरेवालो-जीन ज्युलियन रॉजर यांच्याविरुद्ध खेळतील.बोपन्ना-मिडेलकूप यांची लक्षवेधी आगेकूचजबरदस्त फॉर्ममध्ये असलेल्या बोपन्ना-मिडेलकूप यांनी आपल्या सातत्यपूर्ण कामगिरीच्या जोरावर सर्वांना प्रभावित केले. स्पर्धेत आतापर्यंत त्यांची जोडी जायंट किलर ठरली. उप-उपांत्यपूर्वे फेरीआधी बोपन्ना-मिडेलकूप यांनी निकोला मेकटिक-मेट पेविक या क्रोएशियाच्या दुसऱ्या मानांकित जोडीचा ६-७ (५-७), ७-६ (७-३), ७-६ (१२-१०) असा झुंजार पराभव केला होता.

"महापालिकेला पत्र लिहून रस्त्यांचे कंत्राट व्यावहारिक आहे का?, यात मोठा घोटाळा तर नाही ना?" ...

वर्सोवा-अंधेरी-घाटकोपर या मार्गावरील मेट्रो सेवा १९ जानेवारीला ठराविक वेळेसाठी बंद असणार आहे ...

मैत्रिणीला सांगताच प्रकरण उघड... ...

निवृत्त सनदी अधिकाऱ्यांच्या अध्यक्षतेखाली नेमली समिती ...

माजी महापौर नरेश म्हस्के यांचा दावा ...

खासदार शेवाळे यांच्यावर गुन्हा नोंदविण्याची मागणी संबंधित महिलेने गेल्या वर्षी जुलै महिन्यात केली होती. ...

दुबई येथून येणाऱ्या दोन प्रवाशांकडे सोने असल्याची माहिती डीआरआयच्या अधिकाऱ्यांना मिळाली होती. ...

भारतात परतीचा प्रवासही होतो अन्य देशांतूनच ...