Latest Marathi News

शिवसेनेत बंडाचे वारे सुरु झाल्याने सकाळपासून राज्यातील वातावरण पुरते हादरलेले असताना आता काँग्रेसच्या गोटातून एक मोठी बातमी येत आहे. काँग्रेसचे पाच आमदार नॉट रिचेबल झाले आहेत. सुरुवातीला विधान परिषद निवडणुकीत काँग्रेसची मते फुटली होती. यामुळे काँग्रेसने सर्व आमदारांना दिल्लीत बोलविणे पाठविल्याची माहिती मिळत होती. मात्र, अचानक शिवसेनेतील वादळाची बातमी धडकली आणि काँग्रेस मागे पडली होती. काँग्रेस नेते बाळासाहेब थोरात यांनी देखील आमच्याच आमदारांमध्ये नाराजी असेल तर दुसऱ्यांवर नाराज होण्याचा प्रश्न येत नाही. काहीतरी बिघडलेय, ते आधी पहावे लागेल असे म्हटले होते. या साऱ्या घडामोडींवर काँग्रेसने आपल्या आमदारांना तातडीने मुंबईला बोलविले आहे. तसेच दिल्लीतून प्रभारी देखील नियुक्त करण्यात आला आहे. यातच काँग्रेसचे पाच आमदार नॉट रिचेबल असल्याचे वृत्त होते. मात्र, काँग्रेसने हे वृत्त फेटाळले आहे. काँग्रेस पक्षाचे सर्व आमदार प्रदेशाध्यक्ष नाना पटोले व विधिमंडळ काँग्रेस पक्षाचे नेते व महसूल मंत्री बाळासाहेब थोरात यांच्या संपर्कात आहेत. काही आमदार नॅाट रिचेबल असल्याच्या बातम्या चुकीच्या असल्याचे काँग्रेसने म्हटले आहे. शिवसेनेचे ज्येष्ठ नेते आणि राज्य सरकारमधील मंत्री एकनाथ शिंदे यांनी केलेल्या बंडामुळे शिवसेनेसह राज्यातील राजकारणामध्ये खळबळ उडाली आहे. एकीकडे एकनाथ शिंदे यांची मनधरणी करण्यासाठी प्रयत्न सुरू आहेत. त्यातच मोठ्या बंडाच्या पावित्र्यात असलेल्या एकनाथ शिंदे यांनी शिवसेना पक्षप्रमुख उद्धव ठाकरे यांच्याकडे तीन प्रस्ताव दिले आहेत. तर, दुसरीकडे एकनाथ शिंदेंना गटनेतेपदावरुन हटविण्यात आले आहे. आता, शिंदेंच्याजागी मुंबईतील शिवसेना आमदाराला संधी देण्यात आली आहे.

Business Plan : रेल्वे स्टेशनवर दुकान उघडण्यासाठी तुम्हाला आयआरसीटीसीच्या (IRCTC) वेबसाइटवर जावे लागेल. ...

लातूर जिल्ह्यात शिवसैनिकांची सकाळपासून धरपकड ...

राज्यात नवे सरकार आले आहे. आता येत्या काळात सण, उत्सव, जयंती जोरात साजरी केली जाईल ...

Simple living simpler life nature eco friendly house village :त्याच्या घरात लिव्हिंग रूम, किचन, दोन बेडरूम आणि दोन बाथरूम आहेत. ...

वकार युनिसने केलं होतं भारतीयांना राग येणारं विधान ...

छातीत दुखत असल्याची तक्रार: पाच वर्षापासून जिल्हा मध्यवर्ती कारागृहात ...