Latest Marathi News

मुंबई - उद्धवसेनेच्या उपनेत्या सुषमा अंधारे यांना विधिमंडळाच्या हक्कभंग समितीने नोटीस पाठविली. मात्र, ती देण्यासाठी अंधारेंच्या घरी ८ पोलिस गेले, यावरून उद्धवसेनेचे आ. अनिल परब यांनी शुक्रवारी विधान परिषदेत संताप व्यक्त केला. अंधारे यांना घाबरविण्यासाठी, त्यांच्यावर दबाव आणण्यासाठी पोलिसांचा वापर केल्याचा आरोप आ. परब यांनी केला.प्रश्नोत्तराच्या तासानंतर आ. परब यांनी माहितीच्या मुद्द्याद्वारे या घटनेकडे सभागृहाचे लक्ष वेधले. अंधारे, कुणाल कामरा यांच्याविरोधातील हक्कभंग प्रस्ताव सभागृहात आला. तो मंजूर होऊन हक्कभंग समिती प्रमुखांकडे गेला. हक्कभंग मान्य होऊन नोटीस काढली. मात्र, पोस्टाने किंवा विधिमंडळाच्या कर्मचाऱ्यांमार्फत नोटीस न पाठवता क्राइम ब्रँचच्या ८ पोलिसांना पाठविण्यात आले. पोलिसांना काही काम उरले नाही का? कित्येक आरोपी मोकाट सुटले आहेत, त्यांना पकडायचे सोडून पोलिस नोटीस घेऊन गेले. हे काय चालले आहे, अशी टीका आ. परब यांनी केली.नोटीस प्रोसिजरनुसारच पाठविल्याचा दावाहक्कभंग समितीचे प्रमुख आ. प्रसाद लाड उत्तर देताना म्हणाले की, समितीच्या बैठकीमध्ये नोटीस पाठवण्याचे निश्चित झाले. नोटीस पाठवल्यानंतर अंधारे यांच्या पत्त्यावर कोणी राहत नसल्याचे उत्तर आले. समितीच्या दुसऱ्या प्रोसिजरनुसार जिल्ह्यातील एसपी किंवा शहराच्या पोलिस आयुक्तांमार्फत नोटीस पोहोचविली जाते. कुणाल कामराला नोटीस पाठविली; पण त्यांचा पत्ता समितीकडे नसल्यामुळे ती नोटीसही आयुक्तांमार्फत पाठविली. त्यामुळे नोटीस प्रोसिजरनुसार पाठविली आहे तो अपमान परब विसरले का? पुळका कशासाठी?आ. परब यांना आता सुषमा अंधारे यांचा पुळका आला आहे. मात्र, त्याच अंधारेंनी दिवंगत शिवसेनाप्रमुख बाळासाहेब ठाकरे, माजी मुख्यमंत्री उद्धव ठाकरेंचा अपमान केला होता. हा अपमान परब विसरले का? असा टोलाही आ. लाड यांनी लगावला. सभापती प्रा. राम शिंदे यांनी याबाबत समितीच्या बैठकीत चर्चा होऊ शकते सभागृहात नाही, असे स्पष्ट करून हा मुद्दा निकाली काढला.

खोदकाम सुरू असताना अचानक खांब तिच्या अंगावर कोसळल्याने तिच्या डोक्याला दुखापत झाली ...

स्वारगेट पोलिस ठाण्यात दोन स्वतंत्र गुन्हे दाखल असून स्थानकातील सुरक्षेचा ढिसाळपणा पुन्हा एकदा समोर आला आहे ...

एका नागरिकाने या मसाज पार्लर बाबत टीप देऊनही पोलिसांना काहीच आक्षेपार्ह न आढळल्याने आश्चर्य व्यक्त होत आहे ...

Vandana Gupte And Balasaheb Thackeray: एका मुलाखतीत वंदना गुप्ते यांनी बाळासाहेब ठाकरे यांच्यासोबतच्या आठवणींना उजाळा दिला आहे. ...

हे कलाकार येणार ...

साधन सुविधा विकास महामंडळाची बैठक मुख्यमंत्री डॉ. प्रमोद सावंत यांच्या अध्यक्षतेखाली काल पार पडली. ...