Latest Marathi News

Raja Raghuvanshi Case: मेघालयात हत्या झालेल्या राजा रघुवंशी हत्या प्रकरणात रोज नवे खुलासे होत आहेत. मेघालयातील शिलाँग येथे हनिमूनदरम्यान पती राजा रघुवंशीची पत्नी सोनम रघवुंशीने हत्या केली होती. हनिमूनच्या बहाण्याने राजा रघुवंशीला मेघालय येथे नेऊन सोनमने प्रियकरासह मिळून त्याला संपवले होते. त्यानंतर सोनम बेपत्ता झाली होती. १७ दिवसांनी उत्तर प्रदेशातील एका ढाब्यावर तिने आत्मसमर्पण केले. मेघालय पोलिसांनी याप्रकरणात सोनमसह चार अटक केली. आता राजाची हत्या करणाऱ्या आरोपींनी पैशांसाठी हे कृत्य केलं नसल्याचे समोर आलं आहे.सोनम आणि तिचा प्रियकर राज कुशवाहा यांच्यासह राजाची हत्या करणारे तिघे सध्या मेघालय पोलिसांच्या ८ दिवसांच्या कोठडीत आहेत. यादरम्यान, सोनम आणि राज यांनी पोलीस चौकशीत राजाची हत्या करण्याचा कट रचल्याचे कबूल केले आहे. त्याचबरोबर, सोनमशी लग्न करण्याच्या ११ दिवस आधी राजाला संपवण्याची तयारी करण्यात आली होती. आरोपी विशाल चौहान, आकाश राजपूत आणि आनंद कुर्मी या तीन मुलांनी सोनमच्या सांगण्यावरूनच राजाची हत्या केली होती. पण आता यावर एक नवीन खुलासा झाला आहे.सोनम आणि राज यांनी राजाला मारण्यासाठी तीन लोकांना कामावर ठेवले होते. राजाला संपवण्यासाठी या तिघांना सुपारी देण्यात आली होती. इंडिया टुडेच्या वृत्तानुसार, पोलिसांनी कॉन्ट्रॅक्ट किलिंगचा दावा फेटाळून लावला आहे. तिन्ही आरोपी राज कुशवाहाचे ओळखीचे आहेत. त्यापैकी एक राजचा चुलत भाऊ देखील आहे. तिघांनीही राजशी असलेल्या दीर्घकाळच्या मैत्रीमुळे राजाची हत्या केली आणि सोनमला मदत केली. सोनमने इशारा केल्यानंतर विशालने आधी राजावर हल्ला केला, त्यानंतर इतर दोन मुलांनीही हल्ला करून त्याला ठार मारले. हे सर्व सोनमच्या डोळ्यासमोर घडले. यानंतर सोनमने तिन्ही मुलांसह राजाचा मृतदेह खड्ड्यात फेकण्यास मदत केली.सोनम आणि राजा २३ मे रोजी इंदौरहून हनिमूनसाठी शिलाँग येथे गेल्यानंतर बेपत्ता झाले होते. मेघालय पोलिसांनी त्यांना शोधण्यासाठी शोध मोहीमही राबवली. त्यानंतर २ जून रोजी पोलिसांना राजाचा मृतदेह एका खड्ड्यात सापडला. मृतदेह खूपच वाईट अवस्थेत होता. मात्र पोलिसांना सोनम तिथे सापडली नाही. पोलिसांना राजाच्या हत्येत वापरलेला चाकू, त्याची स्कूटी आणि रेनकोटही सापडला. त्यानंतर पोलिसांनी सोनमशी संबंधित सर्व माहिती गोळा करण्यास सुरुवात केली. सोनमच्या कॉल डिटेल्सवरून पोलिसांना कळले की सोनम राज कुशवाह नावाच्या व्यक्तीच्या सतत संपर्कात होती. त्यानंतर पोलिसांचा तपास पुढे गेला आणि ८ जूनच्या रात्री राज कुशवाहाला अटक करण्यात आली.

Pune Crime News : स्वारगेट बसस्थानकात एका २६ वर्षीय तरुणीवर लैंगिक अत्याचार झाल्याचे धक्कादायक घटना समोर आली. ...

कोकरुड : पणुंब्रे वारुण (ता. शिराळा) येथे १४ वे डोंगरी साहित्य संमेलन शनिवार दि. ८ मार्च रोजी आयोजित करण्यात ... ...

मुख्यमंत्री देवेंद्र फडणवीस यांनी त्यात आरोपींना शिक्षा केली जाईल असा शब्द दिला आहे ...

सिंचन विहिरी आणि जनावरांच्या गोठ्यांमध्ये अडवणुकीतून मोठी उलाढाल ...

पचमढी यात्रेने दिले ४८ लाख : अंभोरा, अंबाखोरी आणि गायमुख मधूनही लाखोचे उत्पन्न ...

रणजी ट्रॉफी स्पर्धेतील यंदाच्या हंगामातील त्याच्या भात्यातून निघालेले हे नववे शतक आहे. ...