Latest Marathi News

उत्तर प्रदेशातील कुशीनगर जिल्ह्यातून एक धक्कादायक घटना समोर आली आहे. दिरासोबत असलेल्या अनैतिक संबंधांमधून एका ४५ वर्षीय विधवा महिलेला आपला जीव गमवावा लागला. महिनाभरापूर्वी बेपत्ता झालेल्या या महिलेची दिरानेच गळा आवळून हत्या केल्याचे पोलीस तपासात उघड झाले आहे. महिलेचा सांगाडा ऊसाच्या शेतात सापडल्यानंतर या प्रकरणाचा उलगडा झाला.काय आहे हे संपूर्ण प्रकरण?कुशीनगरच्या नेबुआ नौरंगिया पोलीस ठाण्याच्या हद्दीत राहणाऱ्या अंगद प्रसाद याने २९ नोव्हेंबर रोजी आपली आई सुनैना देवी बेपत्ता असल्याची तक्रार नोंदवली होती. २६ नोव्हेंबरपासून आई घरी परतली नसल्याचे त्याने पोलिसांना सांगितले होते. पोलिसांनी या प्रकरणाचा तपास सुरू केला आणि महिलेच्या कॉल डिटेल्सवरून संशयाची सुई वसंत नावाच्या व्यक्तीकडे वळली.मोबाईल लोकेशनने आरोपीचा पर्दाफाशतपासादरम्यान पोलिसांना आढळले की, सुनैना देवीच्या मोबाईलचा वापर रामकोला येथील रहिवासी वसंत करत आहे. वसंत हा मृत महिलेचा नात्याने चुलत दीर लागत असे. घटनेच्या दिवशी दोघांचेही लोकेशन नौरंगिया परिसरात होते आणि सुनैना यांनी शेवटचा फोन वसंतलाच केला होता. सुरुवातीला वसंतने पोलिसांना उडवाउडवीची उत्तरे देण्याचा प्रयत्न केला, मात्र पोलिसी खाक्या दाखवताच तो पोपटासारखा बोलू लागला.ऊसाच्या शेतात हत्या आणि मृतदेहाची विल्हेवाटआरोपी वसंतने कबुली दिली की, २६ नोव्हेंबर रोजी त्याने सुनैना देवी यांना नौरंगिया येथील एका ऊसाच्या शेतात नेले आणि तिथे त्यांचा गळा आवळून खून केला. आरोपीने दिलेल्या माहितीनुसार, पोलीस त्या शेतात पोहोचले असता तिथे मानवी कवटी, हाडे, साडी, चपला आणि महिलेचे केस सापडले.मुलाने ओळखले आईचे अवशेषघटनास्थळी मिळालेल्या साडी आणि चपलांवरून मुलगा अंगदने ही आपली आई असल्याचे ओळखले. फॉरेन्सिक टीमने घटनास्थळावरून पुरावे गोळा केले असून, सापडलेली हाडे आणि अवशेष तपासणीसाठी पाठवण्यात आले आहेत.हत्येचे कारण: अनैतिक संबंधखड्डा विभागाचे पोलीस उपअधीक्षक वीरेंद्र सिंह यांनी सांगितले की, "आरोपीने चौकशीदरम्यान अनैतिक संबंधांतून ही हत्या केल्याची कबुली दिली आहे." आरोपी वसंतला अटक करण्यात आली असून त्याच्यावर खुनाचा गुन्हा दाखल करण्यात आला आहे. पोलीस या प्रकरणाचा अधिक तपास करत आहेत.

IPL 2023, Mumbai Indians vs Punjab Kings Live Marathi : मुंबई इंडियन्से घरच्या मैदानावर लाजीरवाणा पराभव पत्करावा लागला. ...

बिबट्याने घरात घुसून ६२ वर्षीय व्यक्तीला केले ठार; वडदरा (बोटा) येथील घटना ...

परदेशातील सायबर चोरट्यांबाबत पुणे पोलिसांनी सीबीआय तसेच परराष्ट्र मंत्रालयाला माहिती दिली आहे. ...

आप्पासाहेब धर्माधिकारी यांचा फोटो आणि 'लोकमत'चा लोगो असलेला एक फोटोही अनेक ग्रूप वर शेअर होतोय ...

चारचाकी वाहनांसाठी टाइम अटॅक इव्हेंटदेखील होणार असल्याची माहिती आयोजक फराद भाथेना यांनी दिली. ...

परिसरातील १२५ तरुण मंडळांचा यात सहभाग होता. ...

‘लाेकमत’ कार्यालयाला सदिच्छा भेट, चित्रपटात रंगविलेल्या वाईट प्रतिमेसारखे गाेवा नाहीच, गाेमंतक लेखिकांचे मत ...

एका युवतीने रेडिटवर ऑनलाईन पोस्ट केलीय, ती सध्या व्हायरल झाली आहे. ...