Latest Marathi News

नवी मुंबई - नवी मुंबई शहर आणि त्यातही विशेषत्वाने महापालिकेची मुख्यालय वास्तू अत्यंत सुंदर असून नवी मुंबई हे भारतातील अतिशय उत्तम शहर असल्याचा अभिप्राय कॅनडातील हॅमिल्टन शहराचे महापौर फ्रेड आयझेनबर्गर यांनी दिला.नवी मुंबई महापालिका क्षेत्राची तसेच महापालिकेच्या वतीने शहरात राबविण्यात येत असलेल्या उल्लेखनीय विविध कामांची, प्रकल्पांची माहिती चित्रमय सादरीकरणाव्दारे सादर करण्यात आली. यावेळी हॅमिल्टन शहराचे गुंतवणूक संचालक ग्लेन नॉर्टन यांनी देखील हॅमिल्टन शहराच्या उल्लेखनीय बाबींची सादरीकरणाव्दारे माहिती दिली. यावेळी चर्चात्मक संवादातून दोन्ही शहरातील उत्पन्न स्त्रोत, सेवा-सुविधा पूर्ततेच्या दृष्टीने कार्यपद्धती, प्राधान्यक्रम यावर विस्तृत चर्चा करण्यात आली. महापालिकेच्या माध्यमातून करण्यात आलेल्या आतिथ्यशीलतेने भारावलेल्या हॅमिल्टन शहराच्या महापौरांनी त्यांच्या शहरात येण्याचे निमंत्रण नवी मुंबईचे महापौर, आयुक्त यांच्यासह पदाधिका-यांना दिले. यावेळी अतिथी महापौरांसह उपस्थित हॅमिल्टन महापौर कार्यालयाच्या संवाद सल्लागार मिशेल शान्ट्झ तसेच समन्वयक सिध्दार्थ लॉड यांचेही स्वागत करण्यात आले. या प्रसंगी महापौर जयवंत सुतार यांनी शहराच्या वतीने त्यांचे स्वागत केले. याप्रसंगी आयुक्त अण्णासाहेब मिसाळ, स्थायी समितीचे सभापती नविन गवते, सभागृह नेता रविंद्र इथापे, विरोधी पक्षनेता विजय चौगुले आदी महापालिका पदाधिकारी आणि विभागप्रमुख उपस्थित होते.

तीन वर्षाच्या मुलांपासून ८० वर्षांच्या वृद्धांनाही त्यांनी पोहण्याची कला शिकवली ...

शुगरबॉक्स (SugarBox) अ‍ॅप तुमच्या Android आणि iOS दोन्ही डिव्हाइसवर वापरू शकता. ...

दहा क्विंटल फुलांची उधळण करीत नाथमंदीरात फाग उत्सव साजरा... ...

Akash Thosar : होय, आकाशने एक कलरफुल फोटोशूट केलं आहे. त्याचे काही फोटो त्याने सोशल मीडियावर शेअर केले आहेत. ...

आरोपीला 21 वर्षे आणि 35 हजार रूपये दंडाची शिक्षा... ...

उत्तर प्रदेशातील गाझीपूरमधून एक अनोखी घटना समोर आली आहे. ...

रीतसर धार्मिक विधी ...