Latest Marathi News

Lok Sabha Election Result 2024 : लोकसभा निवडणूक २०२४ चे निकाल धक्कादायक आहेत. यूपीसह अनेक राज्यांमध्ये भाजपप्रणित एनडीएला मोठा झटका बसला आहे. जम्मू-काश्मीरमध्ये माजी मुख्यमंत्री ओमर अब्दुल्ला आणि मेहबूबा मुफ्ती यांना आपल्या जागा गमवाव्या लागल्यात. उमर अब्दुल्ला बारामुल्लामध्ये तर मेहबूबा मुफ्ती अनंतनागमध्ये पराभूत झाल्या. दरम्यान, निवडणूक आयोगाकडून अद्याप अधिकृत घोषणा करण्यात आलेली नाही. उमर अब्दुल्ला यांना पाडणारा अब्दुल राशीद शेख आहे. शेख यानं अपक्ष म्हणून निवडणूक लढवली. परंतु सध्या तो टेरर फंडिंग प्रकरणात तिहार तुरुंगात आहे. निवडणूक आयोगाच्या आकडेवारीनुसार, जम्मू-काश्मीरच्या दोन्ही माजी मुख्यमंत्री ओमर अब्दुल्ला आणि मेहबूबा मुफ्ती आपापल्या लोकसभा मतदारसंघात पराभव जवळपास निश्चित आहे. बारामुल्ला मतदारसंघात अब्दुल्ला दोन लाख मतांनी पिछाडीवर होते, तर अनंतनाग-राजौरी मतदारसंघातून मेहबूबा मुफ्ती अडीच लाख मतांनी पिछाडीवर होत्या. बारामुल्ला लोकसभा मतदारसंघात साजिद लोन हे जम्मू-काश्मीर पीपल्स कॉन्फरन्स पक्षाचे उमेदवार आहेत. माध्यमांशी बोलताना बोलताना ओमर यांनी आपला पराभव मान्य केला आहे. नॅशनल कॉन्फरन्सचे नेते मियां अल्ताफ अहमद यांनी निवडणुकीत मेहबूबा मुफ्ती यांचा पराभव केला. अहमद आणि मुफ्ती यांच्यात अडीच लाखांचा फरक आहे.कोण आहे अब्दुल राशीद शेख? अब्दुल राशीद ऊर्फ इंजिनिअर राशीद सध्या टेरर फंडिंग प्रकरणात तिहार तुरुंगात आहे. राशीद यापूर्वी २ वेळा आमदारही होता. राशीदला एनआयएनं २०१९ मध्ये टेरर फंडिंग प्रकरणात अटक केली होती. त्याची दोन मुलं अबरार राशीद आणि असरार राशीद यांनी त्याच्यावतीने प्रचार केला होता. राशीदनं २००८ आणि २०१४ मध्ये लांगेट विधानसभा निवडणुकीत विजय मिळवला होता. मात्र २०१९ च्या लोकसभा निवडणुकीत त्याला पराभवाला सामोरं जावं लागलं होतं.

अजित पवारांनी केलेल्या विधानावरुन आमदार नितेश राणेंनी राष्ट्रवादीला फटकारले. ...

सिलेंडरच्या दरात वाढ झाल्याने रेस्टॉरंट, हॉटेलमधील जेवणाचे दरही वाढण्याची शक्यता आहेत ...

सीमाप्रश्नी महाराष्ट्राची बाजू ॲड. हरीश साळवे मांडणार ...

Daily Horoscope : जाणून घ्या, कसा असेल तुमचा आजचा दिवस..., काय सांगते तुमची राशी... ...