Latest Marathi News

गेल्या दोन-तीन दशकांत आर्थिक आघाडीवर चांगली कामगिरी करणाऱ्या देशांशी स्पर्धा करण्यासाठी भारताला आपली कार्यसंस्कृती बदलावी लागेल. यासाठी तरुणांनी कामात जास्त वेळ घालवला पाहिजे, असा सल्ला इन्फोसिसचे सहसंस्थापक एनआर नारायण मूर्ती यांनी दिला होता. त्यांच्या या व्यक्तव्यावर निरनिराळ्या स्तरातून निरनिराळ्या प्रतिक्रिया येऊ लागल्या आहेत. काही जणांनी त्यांच्या या वक्तव्याचं समर्थन केलंय. तर काही जणांनी याचा विरोध केला. आता भारत पे चे माजी सहसंस्थापक अशनीर ग्रोव्हर यांनी नारायण मूर्तींच्या या वक्तव्यावर प्रतिक्रिया दिली.अशनीर ग्रोव्हर यांनी यासंदर्भात सोशल मीडिया प्लॅटफॉर्म एक्सवर पोस्ट केली आहे. "नारायण मूर्ती यांचं वक्तव्य लोकांना आवडलं नसेल. कारण आजही ऑफिसमध्ये कामाच्या परिणामांऐवजी तासांना महत्त्व दिलं जातं. दुसरी गोष्ट म्हणजे लोकांना असं वाटतं की तरुणांचा आळस ही भारताला विकसित होण्यापासून रोखणारी एकमेव गोष्ट आहे," अशी प्रतिक्रिया अशनीर ग्रोव्हर यांनी दिली.काय म्हणाले होते नारायण मूर्ती “भारताची काम उत्पादकता जगात सर्वात कमी आहे. जोपर्यंत आपण सरकारी पातळीवरील भ्रष्टाचार कमी करत नाही आणि नोकरशाहीतील दिरंगाईला आळा घालत नाही, तोपर्यंत आपण ज्या देशांनी प्रचंड प्रगती केली आहे त्यांच्याशी स्पर्धा करू शकत नाही. मी तरुणांना आवाहन करतो की, पुढे येऊन म्हणा, हा माझा देश आहे. मला आठवड्यातून ७० तास काम करायला आवडेल. दुसऱ्या महायुद्धानंतर जपान आणि जर्मनीने हे केलं होतं," असं नारायण मूर्ती म्हणाले होते.ओलाच्या सीईओंचा पाठिंबा"कामात अनेक तास घालवा. फक्त ७० तास नाही तर १४० तासांपेक्षा जास्त काम करा. ओनली फन, नो वीकेंड..," असं म्हणत ओलाचे सीईओ भाविश अग्रवाल यांनी नारायण मूर्ती यांच्या वक्तव्याला पाठिंबा दिला होता.

सिडकोच्या खारघर, नेरूळ आणि खारकोपर भागातील तीन प्रकल्पांत २३५४ डौलदार झाडे बाधित होणार आहेत. ...

तुझ्यावर माझे नितांत प्रेम आहे, आपण लग्न करू अशी बतावणी करत एका अल्पवयीय मुलीचे लैंगिक शोषण करण्यात आले. ...

उमेश यादवने धमाकेदार कारनामा करत विराटच्या कामगिरीशी केली बरोबरी ...

पाण्याची मुबलक सोय, घणदाट जंगल व खाण्यासाठी भरपूर पिके या परिसरात उपलब्ध असल्याने गव्यांचा वावर ...

सुपीक शेत जमिनीतून माती आणि मुरूम चोरून नेणाऱ्यांवर कोणतीही कारवाई होत नाही. ...

टीव्ही अभिनेता आणि 'बिग बॉस'चा एक्स कंटेस्टेंट तहसीन पूनावाला बाबा झाला आहे. ...

बॉलिवूडची धडक गर्ल जान्हवी कपूर (Janhavi Kapoor) प्रोफेशनल लाइफसोबतच आपल्या खाजगी आयुष्यामुळेही चर्चेत येत असते. ...