Latest Marathi News

जिल्हाधिकाऱ्यांना निवेदन : व्यावसायिक अभ्यासक्रम व शिक्षकांच्या समस्या सोडवागडचिरोली : जिल्ह्यातील उच्च माध्यमिक व्यावसायिक अभ्यासक्रमातील शिक्षकांनी मंगळवारी विविध न्याय मागण्यांसदर्भात जिल्हा व्यवसाय शिक्षण व प्रशिक्षण अधिकारी तसेच जिल्हाधिकारी कार्यालयावर धडक देऊन मागण्यांचे निवेदन सादर केले.यावेळी निवासी जिल्हाधिकारी सुनील गाढे यांनी शिष्टमंडळासोबत चर्चा करून निवेदन स्वीकारले. महाराष्ट्र व्होकेशन टिचर्स असोसिएशनच्यावतीने देण्यात आलेल्या निवेदनात म्हटले आहे की, शैक्षणिक सत्र २०१५-१६ पासून राज्यात पुनर्रचित उच्च माध्यमिक व्यावसायिक अभ्यासक्रमांची अंमलबजावणी करण्याचा निर्णय राज्य शासनाने घेतला आहे. मात्र शासनाची तयारी केवळ कागदोपत्री झालेली आहे. पुनर्रचित अभ्यासक्रमाचे संघटना स्वागत करीत आहे. परंतु हा अभ्याक्रम लागू करीत असताना विद्यार्थीहिताचा शासनाने प्राधान्याने विचार करावा, अशी मागणी संघटनेने केली आहे.उच्च माध्यमिक या शैक्षणिक अर्हतेचा समावेश शासकीय, निमशासकीय आणि खासगी संस्थातील विविध पदांच्या सेवा नियमावलीत करावा, नवीन अभ्यासक्रमांचा समावेश शिकाऊ उमेदवारी योजनेमध्ये करावा, याच अभ्यासक्रमात पदवी व पदव्युत्तर शिक्षणाची दालने उघडणाऱ्या व्यवसाय विद्यापीठाची स्थापना करावी, आदी मागण्या मान्य झाल्यानंतरच शासनाने पुनर्रचित अभ्यासक्रमाची अंमलबजावणी करावी. शासन निर्णयानुसार रोजगार, स्वयंरोजगार व कौशल्य विकास आयुक्त यांच्या अध्यक्षतेखाली उच्च माध्यमिक अभ्याक्रम तसेच द्विलक्षी अभ्यासक्रम या योजनांच्या आढाव्याकरिता कार्यकारी समिती गठित करण्यात आली आहे.उच्च व तंत्रशिक्षण विभागाचे प्रधान सचिव यांच्या अध्यक्षतेखाली देखील उच्चस्तरीय समिती गठित करण्यात आलेली आहे. मात्र या दोन्ही समित्यांचे कार्य पूर्ण झालले नाही. या समित्यांकडून कुठल्याही शिफारशी व सूचना प्राप्त होण्याआधीच घिसडघाईने पुनर्रचित अभ्यासक्रमाची अंमलबजावणी करणे योग्य होणार नाही. विद्यार्थी, शिक्षक व संस्थाचालकांच्या अडचणी दूर झाल्याशिवाय पुनर्रचित अभ्यासक्रमाची अंमलबजावणी करू नये, अशी मागणी महाराष्ट्र व्होकेशनल टिचर्स असोसिएशनच्या वतीने जिल्हाधिकारी व जिल्हा व्यवसाय शिक्षण व प्रशिक्षण अधिकाऱ्यांमार्फत व्यवसाय शिक्षण व प्रशिक्षण विभागाच्या संचालकाकडे करण्यात आली आहे. यावेळी संघटनेचे अध्यक्ष डॉ. प्रा. युगल रायलु, प्रा. संदीप रेवतकर, प्रा. प्रशांत तम्मेवार, प्रा. ए. एम. धामोडे, प्रा. आर. के. बारसागडे, प्रा. हिरादेवे, प्रा. राठोड, प्रा. भिवगडे, प्रा. मिसार, प्रा. रणदिवे, प्रा. गोबाडे, प्रा. नागुलवार, प्रा. एस. वाय. मेश्राम, प्रा. डी. जी. मेश्राम, प्रा. पुंडे, प्रा. निमजे, प्रा. जयंत हटवार, प्रा. बारसागडे, प्रा. मालेवार, गलबले आदी उपस्थित होते. (शहर प्रतिनिधी)

बिनधास्त होऊ दे रिडेव्हलपमेंट: आयकर न्यायाधिकरणाचा महत्त्वपूर्ण निकाल ...

राज्यात राजकीय भडका कायम असतानाच शेतकऱ्यांची मागणी ...

Today's Daily Horoscope: जाणून घ्या, कसा असेल तुमचा आजचा दिवस ...

पाकचे माजी उच्चायुक्त बासीत यांचा दावा, पूंछमधील हल्ल्यानंतर शक्यता वाढली ...

जेनिलियाला मुख्य भूमिकेसाठी का साईन केलं असं मला बरेच लोक विचारतात. ...

या सोहळ्याचे प्रमुख अतिथी असलेले ज्योतिरादित्य शिंदे यांनी अस्खलित मराठीत भाषण करून उपस्थितांची मने जिंकली ...

उद्योगपती कुमार मंगलम बिर्ला यांच्या व्यावसायिक यशाचे रहस्य आणि व्यक्तिगत आठवणींचा श्रीमंत खजिना ...

सध्या आर्टिफिशियल इंटेलिजन्स, ओपन एआय, चॅटजीपीटीच्या कारणावरून जग असंच दोन भागात वाटलं गेल्याचं दिसतंय. ...