Latest Marathi News

पणजी : राज्यातील ज्या नद्या प्रदूषित झाल्या आहेत, तिथे सर्व प्रकारचे मायनिंग बंद करण्यासाठी पर्यावरण खात्याने विशेष देखरेख पथकांची स्थापना केली आहे. विशेषत: अशा नद्यांच्या परिसरात चालणारे रेती उत्खनन बंद करण्याचा सरकारचा हेतू आहे. उत्तर व दक्षिण जिल्ह्यासाठी दोन विशेष देखरेख पथकांची स्थापना करणारा आदेश पर्यावरण खात्याने जारी केला आहे. जिल्हाधिका-यांच्या अध्यक्षतेखालील या पथकांवर पोलिस अधीक्षक, गोवा प्रदूषण नियंत्रण मंडळाचे संशोधक व कायदा सेवा प्राधिकरणाचे अधिकारी आहेत. नद्यांचे प्रदूषण, बेकायदा रेती उत्खनन व वाहतूक असे अनेक विषय आतापर्यंत न्यायप्रविष्ट झालेले आहेत. राष्ट्रीय हरित लवादानेही यापूर्वी अशा प्रकरणी गंभीर दखल घेतलेली आहे. या पार्श्वभूमीवर सरकारने कृती पथकांची स्थापना केल्याने ब-याच ठिकाणी रेती उत्खनन बंद होण्याची शक्यता आहे. आमोणा- खांडोळा येथील पुलाकडेही ब-याच प्रमाणात रेती उत्खनन थांबले आहे. राज्यातील अनेक नद्यांचे भाग प्रदूषित झाले आहेत. मांडवीच्या काही पट्टय़ासह वाळवंटी, साळ, शापोराचा काही पट्टा व अन्य नद्यांचा यात समावेश होतो.दरम्यान, खाण खात्याच्या अधिका-यांकडून विविध भागात व नद्यांच्या पट्ट्यात छापे टाकण्याचे काम सध्या सुरू आहे. खात्याच्या अधिका-यांनी व मामलेदारांनी डिचोलीत गुरुवारी छापा टाकला व बेकायदा रेती वाहतूक करणारा ट्रक ताब्यात घेऊन कारवाई केली. महाराष्ट्र व अन्य भागांतूनही गोव्यात रेती वाहतूक केली जाते. अनेकदा ही वाहतुकही अडविली जात आहे. तथापि, गोव्याच्या बांधकाम क्षेत्रला सध्या रेतीचा पुरवठा बंद झाल्याने सरकारी व खासगी प्रकल्पही अडचणीत येऊ लागल्याची तक्रार नुकतीच काही आमदार व मंत्र्यांनी मुख्यमंत्र्यांकडे केली आहे.

आम्ही विकासाला विरोध करत नाही, पण आमच्या जमिनी आणि उपजीविका धोक्यात येणार असेल तर आम्ही शांत बसणार नाही ...

सुनेच्या सवयीमुळे सासू रेखा नाराज झाली. कालांतराने तिचा राग इतका वाढला की, रेखाने एक भयंकर प्लॅन केला. ...

Indian Railway Recruitment : सरकारी नोकरीच्या शोधात असलेल्या तरुणांसाठी मोठी संधी आहे. ...

Paula Mcglynn and Sarang Sathaye Married : कॅनडावरून आली आणि महाराष्ट्राची सून झाली, सारंग साठ्ये आणि पॉलाची लव्हस्टोरी माहितेय का? ...

देवी बनून स्वतःचं साम्राज्य उभ करण्याचं स्वप्न होतं. ...