Latest Marathi News

जोहान्सबर्ग : दक्षिण आफ्रिकेचा कर्णधार एबी डिव्हिलियर्सने रविवारी धावांचा पाऊस पाडला. त्याने अवघ्या ३१ चेंडूंत शतक ठोकत आंतरराष्ट्रीय एकदिवसीय क्रिकेटमध्ये नवा विश्वविक्रम रचला. त्याचे हे सर्वांत वेगवान शतक ठरले. वेस्ट इंडीजविरुद्ध दुसऱ्या एकदिवसीय सामन्यात डिव्हिलियर्सने ही विक्रमी खेळी केली. एवढेच नव्हे, तर सामन्यात त्याने अवघ्या १६ चेंडूंत अर्धशतक पूर्ण केले. त्यानंतर गोलंदाजांची धुलाई करीत त्याने ३१ चेंडूंत शतकही गाठले.सर्वांत वेगवान शतक ठोकण्याचा विक्रम याआधी न्यूझीलंडच्या कोरी अॅँडरसन याच्या नावावर होता. त्याने गेल्या वर्षी जानेवारीत वेस्ट इंडीजविरुद्धच क्विन्सटाऊनमध्ये ३६ चेंडूंत शतकी दणका दिला होता. कोरीने धुवाधार खेळी करीत पाकिस्तानच्या शाहीद आफ्रिदीचा विक्रम मोडला होता. आफ्रीदीचा हा विक्रम तब्बल १६ वर्षे कायम राहिला होता. कोरी अॅँडरसनचा विक्रम मात्र एक वर्ष १८ दिवसच टिकला. त्याच्यापेक्षाही तडफदार फलंदाजी करीत डिव्हिलियर्सने हा विक्रम आपल्या नावे केला.दक्षिण आफ्रिकेकडून सर्वांत वेगवान शतक झळकविण्याचा विक्रम मार्क बाउचर याच्या नावावर होता. त्याने झिम्बाब्वेविरुद्ध २००६ मध्ये ४४ चेंडूंत शतक पूर्ण केले होते. बाउचरचा हा विक्रम आता सर्वसाधारण यादीत चौथ्या क्रमांकावर आहे. अशाप्रकारे एकदिवसीय आणि टी-२० क्रिकेटमधील सर्वांत वेगवान शतकाचा विक्रम दक्षिण आफ्रिफन फलंदाजांच्या नावावर नोंदवला गेला आहे. टी-२० मध्ये रिचर्ड लेवीने ४५ चेंडूंत शतक झळकविले होते. कसोटी सामन्यातील सर्वांत वेगवान शतकाचा विक्रम संयुक्तरीत्या वेस्ट इंडीजच्या व्हिव रिचर्ड्स आणि पाकिस्तानच्या मिसबाह उल हक (दोघेही ५६ चेंडूंत) यांच्या नावावर आहे. (वृत्तसंस्था)

मणिपूरमध्ये गत तीन महिन्यांपासून जे काही घडत आहे, ते देशाला संपूर्ण जगात मान खाली घालायला लावणारे आहे ...

या लक्षवेधी आंदोलनामुळे येणाऱ्या जाणाऱ्यांची लोकांची मोठी गर्दी झाली होती. ...

डोक्यात दगड घालून खून केल्याची माहिती, गुरुवारी रात्रीची घटना ...

रायगड जिल्ह्यातील इर्शाळवाडी येथील दुर्घटनेनंतर प्रशासन अलर्ट ...

पिशवीत सोन्याची बिस्किटे आणि नाणी ...

स्वतःवर ओढवलेला हा प्रसंग सांगताना मोहन सुतराम पारधी यांना भावना अनावर झाल्या. ...

गेल्या साडेसात महिन्यांत केवळ ४० कोटींपर्यंत फसवणुकीच्या तक्रारी पोलिसांत दाखल ...

स्वधा देव सिंह उत्तर प्रदेशच्या वाराणसी येथील रहिवासी आहेत. ...