Latest Marathi News

कांदा राज्यातील महत्त्वाचे व आर्थिकदृष्ट्या परिणामकारक पीक मानले जाते. मात्र दरवर्षी बदलत्या हवामानामुळे कांद्याच्या रोपवाटिकेतील समस्यांमध्ये मोठी वाढ झाली आहे. बी उगम कमी होणे, डंपिंग ऑफ सारखे बुरशीजन्य रोग, कीड प्रादुर्भाव अशा अडचणींमुळे शेतकऱ्यांचे मोठे नुकसान होत आहे. यावर उपाय म्हणून तज्ज्ञांनी कांदा रोपवाटिकेत जैविक घटकांचा वापर करण्याचे आवाहन केले आहे.विशेषतः कांद्याची रोपवाटिका तयार करत असताना बियाणे टाकल्यानंतर गांडूळ खत किंवा चांगले कुजलेले शेणखत याचा एक अत्यंत हलका थर वरून देण्याचा सल्ला देण्यात आला आहे. हा थर धूळफेक पेरणी केलेल्या बियांवर दिल्यास, मातीतील ओल टिकते तसेच बी उगमाची प्रक्रिया जलद व सुलभ होते.मात्र केवळ खताचा थर पुरेसा नाही. त्यात ट्रायकोडर्मा विरिडी आणि पीएसबी (Phosphate Solubilizing Bacteria) हे जैविक घटक मिसळल्यास कीड व रोगांचा प्रादुर्भाव मोठ्या प्रमाणावर कमी होतो. ट्रायकोडर्मा हे जमिनीतील हानिकारक बुरशीवर नैसर्गिकरीत्या नियंत्रण ठेवते. त्याचा वापर केल्यास डंपिंग ऑफ, रूट रॉट यांसारख्या बुरशीजन्य आजारांपासून रोपांचं संरक्षण होतं.त्याचप्रमाणे पीएसबीचा वापर केल्याने जमिनीत उपलब्ध असलेला अघुलनशील स्फुरद विद्राव्य स्वरूपात रोपांना मिळतो. त्यामुळे मुळे मजबूत होतात आणि रोपांची वाढ अधिक सशक्त होते. हे जैविक घटक शेणखत किंवा गांडूळ खतात मिसळून रोपवाटिकेत वापरल्यास कांद्याच्या आरोग्यदायी रोपांची निर्मिती होऊ शकते.दरम्यान खताचा थर अतिशय हलका असावा. जाडसर थर दिल्यास बी अंकुरण्यास अडथळा निर्माण होतो व कधी कधी बी कुजण्याची शक्यताही निर्माण होते. त्यामुळे खताची मात्रा नियंत्रित ठेवणेही तितकेच आवश्यक आहे. कांद्याच्या लागवडीचा पाया रोपवाटिकेतच घातला जातो. त्यामुळे या टप्प्यावर केलेले व्यवस्थापन पुढील उत्पादनावर थेट परिणाम करतं. यासाठी शेतकऱ्यांनी रासायनिक खतांऐवजी अशा जैविक पर्यायांचा अवलंब करणे गरजेचे ठरत आहे.हेही वाचा : गवतात आढळणारा 'हा' किडा चावल्याने होतो स्क्रब टायफस आजार; वेळीच लक्ष न दिल्यास ठरू शकतो प्राणघातक

मूलभूत सुविधा सोडा १७६ ग्रामपंचायतींनाच स्वत:ची इमारत नसल्याची दुर्दैवी बाब आहे. ...

खातेवाटपाचा तिढा दिल्लीत, ‘अर्थ’वरून राज्यात तर्कवितर्क, पवार म्हणाले... ही केवळ चर्चाच ...

आलोकने ज्योती आणि मनीषविरोधात हत्येचा कट आखत असल्याची तक्रार होमगार्ड संघटनेत केली होती. ...

चांद्रयान -३ च्या उड्डाणासाठी इस्रोने एलव्हीएम ३ प्रक्षेपक विकसित केले आहे. ...

शिक्षण कमी झाले असले तरी हातातील कलेने आपला रस्ता शोधला. एका चार्जिंगमध्ये कार ७० किमीचे मायलेज देणार ...

संदीप दीक्षित हे त्यांचे घर भाड्याने देऊ इच्छित होते आणि राहुल गांधी यांच्यासाठी घराचा शोध सुरू होता. ...

२३ जून रोजी पाटणा येथे झालेल्या विरोधी पक्षांच्या बैठकीत १५ राजकीय पक्ष सहभागी झाले होते. ...