Latest Marathi News

झारखंडच्या पाकूर जिल्ह्यातून एक धक्कादायक घटना समोर येत आहे. पाकूर येथील एका खासगी शाळेत मुलांना दिल्या जाणाऱ्या जेवणात मेलेली पाल सापडल्याची भयंकर घटना समोर आली आहे. हे अन्न खाल्ल्यानंतर 100 हून अधिक मुलं आजारी पडली आणि त्यांना उपचारासाठी तातडीने जवळच्या रुग्णालयात दाखल करण्यात आल्याचं सांगण्यात येत आहे. या घटनेने परिसरात एकच खळबळ उडाली आहे. मिळालेल्या माहितीनुसार, पाकूरच्या पकुडिया ब्लॉकमध्ये असलेल्या एका खासगी शाळेत पाल पडल्याने आणि तेच अन्न खाल्ल्याने 100 हून अधिक विद्यार्थी आजारी पडले. सर्व मुलांना उलट्या आणि डोकेदुखी सुरू झाली. यानंतर 60 हून अधिक मुलांना तात्काळ पश्चिम बंगालमधील खासगी रुग्णालयात नेण्यात आले. 40 हून अधिक मुलांना स्थानिक आरोग्य केंद्रात दाखल करण्यात आले. प्रशासनालाही याबाबत कळविण्यात आले. सर्व मुलांची प्रकृती धोक्याबाहेर असल्याचे सांगण्यात येत आहे. सर्वांवर रुग्णालयात उपचार सुरू आहेत. काही दिवसांपूर्वी देखील अशीच घटना समोर आली होती. बिहारमधील सीतामढी जिल्ह्यातील डुमरा ब्लॉकमधील रिकौली येथे मध्यान्ह भोजनामुळे पन्नासहून अधिक मुलं आजारी पडल्याची धक्कादायक घटना घडली होती. मुलांनी गंभीर आरोप केला होता की, जेवणात पाल पडली होती आणि त्याबाबत तक्रार करूनही शाळा प्रशासनाने जबरदस्तीने मुलांना अन्न खाऊ घातलं होतं. मुलं आजारी पडल्यावर उपचारासाठी रुग्णालयात दाखलही करण्यात आले नाही. पालकांना याची माहिती मिळताच सर्वांनी तेथे धाव घेत शाळेचा दरवाजा तोडला. स्थानिक पोलिसांना याबाबत माहिती दिली. डुमरा पोलीस स्टेशनचे अधिकारी घटनास्थळी पोहोचले. मुलांना रुग्णालयात नेण्यात आले. याबाबत स्थानिक पोलीस ठाण्यात माहिती देण्यात आली, त्यानंतर पोलीस वाहनातून मुलांना डुमरा पीएचसीमध्ये दाखल करण्यात आले होते.

जगाला हेवा वाटेल असं हे स्मारक असणार आहे. अनेक कल्याणकारी योजना राबवत आहोत, असे एकनाथ शिंदे म्हणाले. ...

अर्थमंत्री निर्मला सीतारामन यांनी पुन्हा एकदा जगातील १०० शक्तिशाली महिलांमध्ये स्थान मिळवलं आहे. ...

सध्या सोशल मीडियावर एका लॉंग डिस्टंस रिलेशनशिपची जोरदार चर्चा रंगली आहे. ...

त्याचबरोबर 'इंडिया' अलायन्सचे अस्तित्त्वही आता बेभरवशाचे बनल्याचे ते म्हणाले. ...

काल सोन्याच्या दरात वाढ झाली, तर आज सोन्याच्या दरात घसरण झाल्याचे दिसत आहे. ...

नवीन स्वरूपातील सांता मोनिका क्रूझ बोटला मांडवीत नवीन स्वरूपात संचार करण्याची वाट मोकळी झाली आहे. ...

Sunny deol: सनीने खरोखर दारु प्यायली आहे की हा शुटिंगचा भाग आहे हे अद्याप स्पष्ट झालेलं नाही. ...

बॉबीच्या कामामुळे त्याचे चाहते इतके उत्साहित असतानाच त्याच्या आईने मात्र वेगळीच प्रतिक्रिया दिली आहे. ...