Latest Marathi News

पुणे : योग हे केवळ शरीराचे आसन नसून, आत्म्याची शुद्धता आणि मनाची स्थिरता प्राप्त करण्याचा मार्ग आहे. हाच मार्ग स्वीकारत राज्यातील महत्त्वाच्या शहरांमध्ये हजारो चिमुकल्यांनी गुरुवारी योग साधला. योगदिनाच्या पार्श्वभूमीवर एकाच वेळी अनेक शहरात चिमुकल्यांनी भुजंगासन करून जागतिक विक्रम घडवला. या विक्रमाची नोंद गिनीज वर्ल्ड रेकॉर्डमध्ये घेण्यात आली आहे. योगसंपन्न भारताच्या भूमीवर संस्कारांची पाळंमुळ खोलवर रुजलेली आहेत. या संस्कारांचीच एक प्रेरणादायक झलक या माध्यमातून दिसून आली. या ऐतिहासिक क्षणाने केवळ जागतिक विक्रम नोंदला गेला नाही, तर भावी पिढीला आरोग्यदायी आणि संस्कारित जीवनाचा मंत्रही मिळाला.ऐतिहासिक दिवशी पुणे , नाशिक, छत्रपती संभाजीनगर, नागपूर आणि कोल्हापूर या शहरांतील शाळांमधील मुलांनी एकाच वेळी भुजंगासन करत ‘योग’ ही आपल्या जीवनशैलीचा भाग आहे, हे जगाला दाखवून दिलं. लोकमत आणि लोकमत कॅम्पस क्लब प्रस्तुत, सुहाना प्रवीण मसाले आणि सीएम इंटरनॅशनल स्कूल यांच्या सहकार्याने हा विश्वास विक्रम पावसाच्या सरींच्या साक्षीने या चिमुकल्यांनी मनोभावे करत विश्व विक्रमाला गवसणी घातली. या विश्व विक्रमाला विलास जावडेकर डेव्हलपर्स, अमर बिल्डर, मुक्ता ट्रेड, आशा भेळ, चाटे स्कूल, ऑक्सिरिच यांचे सहकार्य लाभले.यावेळी कॅम्पस क्लब आणि लोकमत महामॅरेथॉनच्या संचालिका रुचिरा दर्डा, संपादक संजय आवटे, खंडेराय प्रतिष्ठानचे डॉ. सागर गणपतराव बालवाडकर, गणपतराव बालवाडकर, गिनीज बुक ऑफ वर्ल्ड रेकॉर्डचे ऋषी नाथ, मिलिंद वरलेकर, योगा प्रशिक्षक भूषण देशपांडे, योगा फिटनेस कोच राजश्री राणे, सचिन पांडे, उमेश थोपटे, चंद्रकांत पाटील आणि ॲॅड. देवकी बाम, लोकमतचे राज्याचे इव्हेंट प्रमुख रमेश डेडवाल, लोकमत समूहाचे सहायक उपाध्यक्ष निनाद देसाई, लोकमतचे वरिष्ठ महाव्यवस्थापक मिलन दर्डा आदी मान्यवर उपस्थित होते. शिक्षणाबरोबर मुलांवर योग संस्कार बालवयातच शरीराची, मनाची आणि श्वासाची जाणीव करून देणाऱ्या या उपक्रमाने लहानग्यांच्या मनात एक वेगळंच समाधान आणि आत्मविश्वास जागवला. भुजंगासनासारखं शरीर लवचिक ठेवणारं आसन करताना मुलांनी एकाग्रतेचा आणि शिस्तीचा मनमुराद आनंद घेतला.शिक्षणाबरोबर मुलांवर योग संस्कार : सध्याची धावपळीची जीवनशैली प्रत्येकाची झाली आहे. त्यामुळे कमी वयात अनेकांना आजार जडतात. या उपक्रमाने एक महत्त्वाचा संदेश दिला ते म्हणजे शिक्षण फक्त पुस्तकीज्ञानापुरते मर्यादित नसून, ते शरीर, मन, विचार आणि संस्कृती यांचं एक सुंदर मीलन असावं आणि हे मीलन घडवणारे हे लहानसे योद्धे आजच्या भारताचे खरे ‘योगदूत’ ठरले.

20 दिवसांसाठी दोघंही अमेरिकेत असणार आहेत. ...

जी- २० शिखर परिषद संपल्यानंतर सौदी अरेबियाचे राजकुमार सध्या भारताच्या दौऱ्यावर आहेत. ...

असोसिएटेड प्रेस (एपी) या वृत्तसंस्थेनुसार, उत्तर कोरिया-रशिया सीमेजवळ एक विशेष ट्रेन दिसली आहे. ...

Today's Editorial: ...