Latest Marathi News

टोकियो : गतविश्वविजेता नीरज चोप्राने बुधवारी पात्रता फेरीत पहिल्याच प्रयत्नात ८४.५० मीटरची फेक करत थेट जागतिक अजिंक्यपद भालाफेक स्पर्धेच्या अंतिम फेरीत धडक दिली. दोन ऑलिम्पिक पदक विजेता असलेल्या २७ वर्षीय नीरजने पात्रता फेरीत गट अ मध्ये पहिल्याच फेकीमध्ये अंतिम फेरी गाठली. भारताच्या सचिन यादवनेही अंतिम फेरीत प्रवेशककेला.८४.५० मीटरची मर्यादा पार करणारे किंवा सर्वोत्तम कामगिरी करणारे पहिले १२ खेळाडू गुरुवारी अंतिम फेरीत खेळतील. नीरजला ज्याच्याकडून कडवी टक्कर मिळणार त्या जर्मनीच्या ज्युलियन वेबरने ८७.२१ मीटरची फेक करत अंतिम फेरी गाठली. भारताचा सचिन यादव ८३.६७ मीटरसह सहाव्या स्थानी राहिला. त्याने एकूण दहावे स्थान पटकावत अंतिम फेरी गाठली. ब गटात पाकिस्तानच्या अर्शद नदीमने तिसऱ्या फेकीत ८५.२८ मीटर गाठत अंतिम फेरी गाठली. ग्रेनाडाच्या अंडरसन पीटर्सने ८९.५३ मीटरसह अंतिम फेरी निश्चित केली. या गटात भारताच्या रोहित यादवला ७७.८१ मीटरसह १४व्या स्थानी, तर यशवीर सिंगला ७६.२१ मीटरसह १५व्या स्थानी समाधान मानावे लागले.अंतिम फेरीत खेळणारे अव्वल १२ भालाफेकपटूअँडरसन पीटर्स (ग्रेनाडा) ८९.५३ज्यूलियन वेबर (जर्मनी) ८७.२१ज्यूलियस येगो (केनिया) ८५.९६डेव्हिड वेगनर (पोलंड) ८५.६७अर्शद नदीम (पाकिस्तान) ८५.२८नीरज चोप्रा (भारत) ८४.८५कर्टिस थॉम्पसन (अमेरिका) ८४.७२याकुब वाल्डेच (झे.प्रजासत्तक) ८४.११केशोर्न वॉल्कॉट (त्रिनिदाद) ८३.९३सचिन यादव (भारत) ८३.६७कॅमेरोन मॅकेंटायर (ऑस्ट्रेलिया) ८३.०३रमेश पथिरागे (श्रीलंका) ८२.८०ऐतिहासिक कामगिरीचे लक्ष्यनीरजचे लक्ष्य विश्वविजेतेपद कायम राखण्यावर आहे. असे केल्यास तो अशी कामगिरी करणारा तिसरा पुरुष भालाफेकपटू ठरेल.नीरजचे सध्याचे प्रशिक्षक झेक प्रजासत्ताकचे जान झेलेझ्नी (१९९३ आणि १९९५) आणि अँडरसन पीटर्स (२०१९ आणि २०२२) यांनीच आतापर्यंत हे यश मिळवले आहे.

४० चपात्या अन् १.५ लीटर दूध! बॉलिवूड अभिनेत्याचा दिवसाचा खुराक, तरीही वाढलं नाही वजन, कसं ते जाणून घ्या ...

राजस्थानमधील चुरू येथील हवाई दलाच्या जग्वार लढाऊ विमान अपघातात दोन तरुण पायलटचा मृत्यू झाला. ...

Johatsu Japanese Culture: जपानमध्ये गेल्या काही वर्षांपासून लोक जोहात्सु बनत आहेत. त्यांना जोहात्सु म्हटलं जातं. ...

Bhandara : मुलांच्या शैक्षणिक प्रगतीसह सामाजिक, शारीरिक प्रगतीचे होणार निरीक्षण ...

बेन स्टोक्सनं सलग तिसऱ्या सामन्यात जिंकला टॉस, यावेळी पहिल्यांदा बॅटिंग करण्याचा निर्णय ...

Post Office : ग्राहक आता पे-इन स्लिप किंवा पैसे काढण्याच्या व्हाउचरशिवाय खाती उघडू शकतात आणि व्यवहार करू शकतात. ...

UP News: उत्तर प्रदेशातील चांगूर बाबा धर्मांतर प्रकरणात मोठा खुलासा झाला आहे. ...