Latest Marathi News

भ्रष्टाचाराच्या तक्रारीचे प्रकरण : न्यायालयाच्या निर्देशावरून झाली कारवाईचंद्रपूर : चंद्रपूर जिल्हा परिषदेचे तत्कालीन मुख्य कार्यकारी अधिकारी तसेच अकोल्याचे विद्यमान जिल्हाधिकारी अरुण शिंदे आणि जिल्हा परिषदेचे तत्कालीन वर्ग एक लेखाधिकारी अविनाश गंगाधर जोशी यांच्याविरुद्ध रामनगर पोलीस ठाण्यात गुरुवारी दुपारी न्यायालयाच्या आदेशानंतर गुन्हा दाखल झाला आहे.चंद्रपूर जिल्हा परिषदेतील कथित भ्र्रष्टाचाराच्या आरोप-प्रत्यारोपावरून आणि त्यासंदर्भात झालेल्या तक्रारींवरून हे प्रकरण घडले आहे. जिल्हा परिषदेत मुख्य कार्यकारी अधिकारी असताना शिंदे यांनी तत्कालीन अतिरिक्त मुख्य कार्यकारी अधिकारी प्रभू राजगडकर, कार्यकारी अभियंता भूषण मून, कोरपना उपविभागाचे प्रभारी उपविभागीय अभियंता रमेश शंभरकर यांच्यासह कनिष्ठ अधिकारी आणि कंत्राटदर अशा आठ जणांवर शासकीय फाईलमध्ये बेकायदेशिररीत्या बदल केल्याचा व त्यासाठी खोटी कागदपत्रे जोडल्याचा आरोप करून त्यांची चौकशी सुरु केली होती. जिल्हा परिषदेचे तत्कालीन लेखाधिकारी अविनाश जोशी यांच्याकडून या प्रकरणाची चौकशी केली होती. मात्र आपल्यावरील आरोप खोटे असून चौकशीही पूर्वग्रहदूषितपणे झाल्याचा आरोप या आठही जणांनी केला होता.दरम्यान, जिल्हा परिषदेचे तत्कालीन उपाध्यक्ष आणि विद्यमान सदस्य विनोद अहीरकर यांच्याशीही शिंदे यांचे संबंध कमालीचे दुरावले होते. अहीरकर यांनी अरुण शिंदे यांच्या संदर्भात माहितीच्या अधिकारात विविध माहिती गोळा करून २१ प्रकरणांमध्ये अनियमितता केल्याची तक्रार शासनाकडे केली होती. यात लक्षावधी रुपयांची खरेदी, नियमबाह्य आदेश देणे आदी आरोपांचा समावेश होता. या तक्रारीची शासनस्तरावर दखल घेतली जात नसल्याचे बघून जिल्हा परिषदेने त्यांच्याविरोधात अविश्वास ठराव आणला होता. तो पारित झाल्यावर काही काळाने अकोला येथे जिल्हाधिकारी म्हणून त्यांची बदली झाली होती.दरम्यानच्या काळात निवृत्त झाल्यावर जिल्हा परिषद बांधकाम विभागाचे कार्यकारी अभियंता भूषण मून यांनी चंद्रपूरच्या प्रथम श्रेणी न्यायदंडाधिकाऱ्यांकडे अरुण शिंदे यांच्या विरोधात प्रकरण दाखल केले होते. त्यावर निर्णय होऊन अरुण शिंदे आणि लेखाधिकारी अविनाश जोशी यांच्याविरुद्ध कलम ४०८, ४६८, ४७१, ४७७, १२० अणि ३४ नुसार गुन्हे दाखल करण्याचे निर्देश रामनगर पोलिसांना दिले होते. मात्र पोलिसांनी दखल घेतली नव्हती. यामुळे मून यांनी पुन्हा न्यायालयात धाव घेऊन ही परिस्थिती निदर्शनास आणून दिली. त्यानंतर न्यायालयाने नव्याने दिलेल्या निर्णयानुसार गुरुवारी दुपारी रामनगर पोलिसांत दोघांवरही गुन्हे दाखल करण्यात आले आहेत.या प्रकरणामुळे खळबळ उडाली आहे. सध्या भूषण मून आणि वर्ग एक लेखाधिकारी अविनाश जोशी सेवानिवृत्त झाले आहेत. अरुण शिंदे अकोल्याचे जिल्हाधिकारी म्हणून कार्यरत आहेत. तर, प्रभू राजगडकर गडचिरोली जिल्ह्यात सेवारत आहेत. (जिल्हा प्रतिनिधी)

जिल्हाधिकाऱ्यांच्या परवानगीची प्रतीक्षा ...

सातारा लोकसभेसाठी महायुतीकडूनही मोर्चबांधणीला वेग ...

कोयासन विद्यापीठाने १२० वर्षांच्या इतिहासात प्रथमच मानद डॉक्टरेट पदवी देण्याचा निर्णय घेतला. ...

वापरावर बंदी होती म्हणून निर्णय : शासनानेच काढला होता आदेश ...

मुख्यमंत्र्यांनी श्रीकांत शिंदेंना जाहीरपणे विचारला सवाल, खासदारांनी काय केलं पाहा.. | Eknath Shinde ...

Ram Mandir Ground Report : अयोध्येतील राम मंदिर कसं असेल, पाहा एक्सक्लुझिव्ह ग्राऊंड रिपोर्ट ...