Latest Marathi News

नाशिक : केबीसी, विकल्प या पाठोपाठ आता ओडिसा येथील मायक्रो फायनान्स प्रायव्हेट लिमिटेड कंपनीने गुंतवणूकदार व ठेवीदारांना विविध ठेव योजनांचे आमिष दाखवून कोट्यवधी रुपयांची फसवणूक केल्याचे समोर आले आहे़ या फसवणुकीबाबत शिवसेना पदाधिकाऱ्यांच्या माध्यमातून गुंतवणूकदार व ठेवीदारांनी भद्रकाली पोलीस ठाण्याचे वरिष्ठ पोलीस निरीक्षक मधुकर कड यांना निवेदन दिले आहे़ कंपनीने देशभरातील विविध शाखांच्या माध्यमातून कोट्यवधी रुपयांची फसवणूक केली असून, रिझर्व्ह बँक आॅफ इंडियाने जुलै २०१४ मध्ये कंपनीचा परवाना रद्द केला आहे़भद्रकालीतील साक्षी गणेश मंदिराजवळील एकसत्य कॉम्प्लेक्समध्ये गेल्या तीन वर्षांपासून मायक्रो फायनान्स प्रायव्हेट लिमिटेड कंपनीचे कार्यालय होते़ कंपनीचे मुख्य कार्यालय अन्नपूर्णा, प्लॉट क्रमांक ६८ (पी), रसूलगढ, भुवनेश्वर, ओडिसा येथे असून, नाशिकमधील कार्यालय गेल्या महिनाभरापासून बंद असल्याने गुंतवणूकदार हवालदिल झाले आहेत़ हातमजूर, कामगार यांसह नागरिकांनी कंपनीच्या आवर्तक ठेव योजना, मुदत ठेव योजना, मासिक ठेव योजनेमध्ये सुमारे सत्तर ते ऐंशी लाख रुपयांची गुंतवणूक केली आहे़ कंपनीचे कार्यालय बंद असल्याने अधिकाऱ्यांशी संपर्क साधला असता सीबीआय चौकशी, महाव्यवस्थापकाला अटक, चौकशी झाल्यानंतर पैसे मिळतील, अशी उत्तरे दिली जातात़या कंपनीच्या अधिकाऱ्यांकडून गुंतवणूकदार व ठेवीदारांना दिल्या जात असलेल्या उत्तरांमुळे ते हवालदिल झाले आहेत़ कंपनीने शहरातील अनेक नागरिकांकडून पैसे जमा करून त्यांना गंडा घातला असून, कार्यालयही बंद केले आहे़त्यामुळे कंपनीने फसवणूक केल्याचे दिसत असून, याकंपनीवर कारवाई करून पैसे मिळवून देण्याच्या मागणीचे निवेदन गुंतवणूकदारांनी भद्रकाली पोलिसांना दिले. (प्रतिनिधी)

काँग्रेसचे प्रमुख मल्लिकार्जुन खर्गे यांना इंडिया आघाडीचे अध्यक्ष बनवले जाऊ शकते. ...

झी मराठीवरील नव्या मालिकेत प्रसादची वर्णी, दमदार भूमिकेची दिसली झलक ...

Russia Oil Import By US: अमेरिकेने रशियाकडून दोन महिन्यात सुमारे 46 हजार बॅरल तेल आयात केले. ...

पतंग उडवताना विद्युत यंत्रणेपासून सुरक्षित अंतर राखावे, असे आवाहन महावितरणने केले आहे. ...