Latest Marathi News

ऑनलाइन लोकमत - थिरुवनंतपुरम , दि. 11 - लग्नानंतर इस्लाममध्ये धर्मातरण केलेली गरोदर महिला आपल्या पतीसह इसीसमध्ये भरती झाली असल्याचा संशय व्यक्त केला जात आहे. निमिशा नाव असलेल्या या 25 वर्षीय तरुणीची आई बिंदू यांनी याप्रकरणी मुख्यमंत्री पिनारायी विजयन यांची भेट घेतली असून चौकशीची मागणी केली आहे. केरळमधील 15 लोक इसीसमध्ये भरती झाला असल्याचा संशय आहे ज्यामध्ये निमिशादेखील आपल्या पतीसह सामील असण्याची शक्यता आहे. 'मुख्यमंत्र्यांनी याप्रकरणी तपासात प्रगती होत असल्याचं सांगितलं', असल्याची माहिती बिंदू यांनी दिली आहे. बिंदू यांनी मुलगी निमिषा बेपत्ता झाल्यानंतर याचिका दाखल करत चौकशीची मागणी केली होती. पश्चिम आशियात गेलेले केरळातील 15 तरुण बेपत्ता झाले असून ते इस्लामिक स्टेट (आयएस) या खतरनाक अतिरेकी संघटनेत सहभागी झाले असावेत, असा संशय व्यक्त केला जात आहे. याची चौकशी करण्याचे आदेश केरळचे मुख्यमंत्री पिनारायी विजयन यांनी दिले आहेत. 'माझी मुलगी निमिषा तिच्या पतीसह 16 मे रोजी माझी भेट घेण्यासाठी आली होती. 18 मे रोजी तिने मला फोन केला होता. काही कामाच्या निमित्ताने आम्ही श्रीलंकेला जात असल्याचं तिने मला फोनवरुन सांगितलं. मी तिला वारंवार कुठून बोलत आहेस विचारत होती, पण तिने माहिती देण्यास नकार दिला. मी तिला जाण्यापासून रोखण्याचा प्रयत्न केला पण मला अपयश आलं. 4 जूनपर्यंत मला तिच्याकडून मेसेजही येत होते. पण त्यानंतर तिची काहीच माहिती मिळाली नाही', अशी माहिती बिंदू यांनी दिली आहे. 'निमिशा कॉलेजमध्ये शिकत असताना तिची भेट बेक्सिन या ख्रिश्चन तरुणाशी झाली होती. नोव्हेंबर 2015 मध्ये दोघांनी लग्न केलं. लग्नानंतर दोघांनीही इस्लाममध्ये धर्मातरण केलं होतं', असं बिंदू यांनी सांगितलं आहे. कसारगोड परिसरातील अजून पाच कुटुंबांतील सदस्य बेपत्ता आहेत. या कुटुंबांनीदेखील याचिका दाखल करुन चौकशीची मागणी केली आहे. काँग्रेस वरिष्ठ नेते रमेश चेन्निथला यांनी लवकराच लवकर तपास करुन बेपत्ता झालेल्यांची माहिती मिळवण्याची मागणी केली आहे. 'बेपत्ता झालेले लोक इसीसमध्ये भरती झाले आहेत', असं म्हणू शकत नाही असंही रमेश चेन्निथला बोलले आहेत. केरळातील कासरगोड आणि पलक्कड जिल्ह्यातील हे तरुण आहेत. ते धार्मिक शिक्षणासाठी पश्चिम आशियात गेले होते. हे सर्वजण ३0 वर्षांच्या आतील असून, उच्च शिक्षित आहेत. काही जण डॉक्टर आहेत. गेल्या महिनाभरापासून त्यांच्याशी संपर्क होऊ न शकल्यामुळे त्यांचे कुटुंबीय चिंतित झाले आहेत. त्यांना कट्टरपंथी बनवून आयएसमध्ये भरती करण्यात आले असावे, असा संशय व्यक्त करण्यात येत आहे. त्यांच्या कुटुंबियांनी एका खासदारासह काही स्थानिक प्रतिनिधींशी संपर्क साधून त्यांना शोधण्यास मदत करण्याची विनंती केल्यानंतर हे प्रकरण उघडकीस आले.

उद्धव ठाकरे यांनी विधानसभा अध्यक्षांवर संताप व्यक्त केला, तर मुख्यमंत्री शिंदेंवरही निशाणा साधला. ...

आजच्या निर्णयानंतर उद्धव ठाकरे यांनी राहुल नार्वेकरांवर सडकून टीका केली. ...

आज सोयाबीनला किती मिळाला दर? ...

'दोन-तीन पक्ष बदलणाऱ्या नार्वेकरांनी सर्वोच्च न्यायालयाचे नियमही धाब्यावर बसवले.' ...

राम मंदिर सोहळा हा भाजपाने आस्थेचा आणि श्रद्धेचा विषय बनवला आहे. ...

विद्यार्थ्यांचे नुकसान : अर्धेसत्र संपले परंतु शिक्षक मिळाले नाहीत ...

विधानसभा अध्यक्ष राहुल नार्वेकर यांच्या निकालावर सरकारी वकील उज्ज्वल निकम यांनी प्रतिक्रिया दिली आहे. ...

जाणून घ्या येणाऱ्या काळातील हवामान स्थिती ...

एकनाथ शिंदे यांची शिवसेना हीच खरी शिवसेना, असा निकाल राहुल नार्वेकरांनी दिला आहे. ...

ना. सुधीर मुनगंटीवार यांच्या सातत्यपूर्ण पाठपुराव्याचे फलित ...