Latest Marathi News

चंद्रपूर : जिल्ह्यातील नगरपरिषद निवडणुकांचे निकाल हे केवळ स्थानिक स्वराज्य संस्थांचे निकाल न राहता, भाजपसाठी गंभीर राजकीय इशारा ठरले आहेत. सलग काही निवडणुकांमध्ये सत्ताधारी पक्ष म्हणून भाजपला मिळणारा जनाधार या निकालांमधून कमकुवत होत असल्याचे स्पष्ट संकेत मिळतात. विशेष म्हणजे, पराभवामागे विरोधकांपेक्षा पक्षातील अंतर्गत कारणे अधिक जबाबदार असल्याचे भाजपचेच ज्येष्ठ नेते सुधीर मुनगंटीवार यांनी उघडपणे मान्य केल्याने या निकालांचे राजकीय महत्त्व अधिक वाढले आहे.मुनगंटीवारांच्या वक्तव्यातून भाजपमधील अंतर्गत गटबाजी, नेतृत्वाचा अभाव आणि संघटनात्मक विस्कळीतपणा समोर येतो. विदर्भात काही नेत्यांची ताकद जाणीवपूर्वक कमी केल्याचा आरोप म्हणजे थेट नेतृत्वाच्या निर्णयप्रक्रियेवर प्रश्नचिन्ह आहे. मजबूत स्थानिक नेतृत्वाला डावलून ‘इनकमिंग’ नेत्यांना पुढे केल्यामुळे जुने कार्यकर्ते नाराज झाले, याचा फटका मतदानाच्या दिवशी दिसून आला.दुसरीकडे काँग्रेसने विदर्भात स्थानिक नेतृत्वाला स्वातंत्र्य व ताकद दिल्याचा उल्लेख करून मुनगंटीवारांनी अप्रत्यक्षपणे भाजपच्या रणनीतीतील त्रुटी अधोरेखित केल्या आहेत. निवडणुका केवळ मोदी फॅक्टर किंवा केंद्रातील सत्तेच्या जोरावर जिंकता येत नाहीत; स्थानिक पातळीवरील संघटनात्मक बांधणी, कार्यकर्त्यांचा आत्मविश्वास आणि नेतृत्वावरचा विश्वास निर्णायक ठरतो. यावरून स्पष्ट होते.चंद्रपूरमधील हा निकाल भाजपसाठी ‘वेळेत सावध व्हा’ असा इशारा आहे. आगामी विधानसभा आणि लोकसभा निवडणुकांच्या पार्श्वभूमीवर पक्षाने जर अंतर्गत मतभेद, गटबाजी आणि नेतृत्वावरील असमाधान दूर केले नाही, तर हा फटका केवळ नगरपरिषदांपुरता मर्यादित न राहता व्यापक राजकीय परिणाम घडवू शकतो.

एका लग्नसमारंभातील हा कथित व्हिडिओ आहे. राजामौली आपली पत्नी रमासोबत एका लग्नसमारंभासाठी आले आहेत. ...

एक एकर मध्ये शेतकर्‍याने मिळविले १० लाखांचे उत्पन्न ...

आयपीएल २०२४ मधील घरच्या मैदानावरील पहिल्याच सामन्यात मुंबई इंडियन्सची सुरुवात अत्यंत निराशाजनक झाली. ...

LPG Cylinder Expiry: एलपीजी सिलिंडरची एक्सपायरी डेट तपासणे अगदी सोपे आहे. ...

कणकवली बाजारपेठेतून घेतले ताब्यात ...

जमीनमालकाच्या सातबाऱ्याला संबंधित जागेचा नकाशा 'जीआयएस' प्रणालीद्वारे जोडला जाणार आहे ...