Latest Marathi News

मलकापूर : मोसम (ता. शाहूवाडी) पैकी पाटीलवाडी येथे आजीने जीप गाडी घेण्यास नकार दिल्याने सावत्र नातवाने आजीचा खून केल्याचे पोलीस तपासात निष्पन्न झाले आहे. याप्रकरणी सावत्र नातू आकाश यशवंत कांबळे (वय २२) यास शाहूवाडी पोलिसांनी अटक केली आहे. पोलिसांतून मिळालेली माहिती अशी, सखुबाई राजाराम कांबळे (वय ४५) यांच्याकडे सावत्र नातू वारंवार जीप घेण्यासाठी पैशांची मागणी करत होता. २६ एप्रिल २०१४ रोजी आजी सकाळी मांजरे-करंजफेण रस्त्यावरील मोसम गावच्या हद्दीतील महादेव श्रीपती मोहिते यांच्या शेताजवळ भांगलण करण्यास गेली होती. सावत्र नातू आकाश तेथे गेला. आजीस बोलावून घेतले. जीप खरेदीसाठी पैसे का देत नाहीस? तुला दाखवतोच म्हणून त्याने लाकडाने डोक्यात वार केला. त्या तेथेच बेशुद्ध अवस्थेत पडल्या. संशय येऊ नये म्हणून त्यांचे डोके रस्त्याच्या गटारीच्या बाजूस व पाय रस्त्याकडे करून तेथून आकाशने पोबारा केला. त्या आजीस परिसरातील लोकांनी ओळखून मांजरे प्राथमिक आरोग्य केंद्रात प्राथमिक उपचार करून पुढील उपचारासाठी कोल्हापुरातील शासकीय रुग्णालयात दाखल केले. अखेर त्यांचा दि. २८ एप्रिलला हा मृत्यू अपघाती झाल्याची नोंद शाहूवाडी पोलिसांत झाली होती. सखुबाईचा मृत्यू अपघाती नसून घातपात झाल्याची तक्रार त्यांच्या भावाने दिल्यानुसार शाहूवाडी पोलिसांनी त्या दिशाने तपास सुरू केला. एक महिन्यानंतर त्यांचा अपघात नसून सावत्र नातवाने जीप घेण्यासाठी पैसे देण्यास नकार दिल्याने खून केल्याची पोलीस तपासात निष्पन्न झाले. तपास पोलीस निरीक्षक अशोक धुमाळ, फौजदार एम. एस. नाळे, सहायक फौजदार मनोहर कोळी, आत्माराम सांगले, पो. कॉ. एकनाथ कळंत्रे करीत आहेत. (प्रतिनिधी)

गोवा व उत्तराखंडला केंद्रीय पर्यावरण तथा वन मंत्रालयाकडून मोठा दिलासा ...

न्यायालयाने लॉकअपमध्ये आरोपीचे कपडे उतरवण्याची आवश्यकता काय?, त्याचे स्पष्टीकरण राज्य सरकारकडून मागितले आहे. ...

गेल्या अनेक दिवसांपासून पाणीकपातीची चर्चा सुरू आहे. ...

वन-डे मालिकेत भारताच्या पदरी ०-३ अशी मानहानीकारक हार ...

निवती रॉक्स समुद्रात होते डिस्कवर स्कुबा.. ...

पाकिस्तान आणि ऑस्ट्रेलिया यांच्यात तीन सामन्यांच्या मालिकेतील अखेरचा कसोटी सामना खेळवला जात आहे. ...

कर्मचाऱ्यांमध्ये आनंद ...