Latest Marathi News

विकासाचा अभाव : चपराळा, भामरागड अभयारण्य नावापुरतेचआष्टी : गडचिरोली जिल्ह्यात चामोर्शी तालुक्यात चपराळा व भामरागड येथे अभयारण्य आहे. परंतु दोन्ही अभयारण्याचा विकास न झाल्याने दोन्ही अभयारण्य केवळ नावापुरतेच उरले आहे. शासनाच्या दुर्लक्षामुळे दोन्ही अभयारण्यातील प्राणी व पक्षी नामशेष होण्याच्या मार्गावर आहेत.चपराळा व भामरागड अभयारण्याचा कारभार चंद्रपूर जिल्ह्यातील ताडोबा अंधारी व्याघ्र प्रकल्पांतर्गत चालविला जात आहे. परंतु येथील वरिष्ठ अधिकारी अभयारण्याकडे ढुंकूनही पाहत नसल्याने अभयारण्याचा विकास होऊ शकला नाही. गडचिरोली जिल्हाच्या मध्यवर्ती ठिकाणी चपराळा अभयारण्य आहे. अभयारण्यातच हजारो भाविकांचे श्रद्धास्थान असलेले स्वयंभू हनुमान मंदिर आहे. या ठिकाणी दरवर्षी महाशिवरात्रीला मोठी यात्रा भरत असते. चपराळा अभयारण्यात हरिण, सांबर, नीलगाय, चितळ आदी प्राणी आहेत. परंतु अभयारण्यातील प्राण्यांची योग्य प्रकारे काळजी वन विभागामार्फत घेतली जात नसल्याने अनेक प्राणी दरवर्षी अपघातात मृत्यूमुखी पडतात. अभयारण्यातील काही विशिष्ट भागामध्ये शासनाने तारेचे कुंपन करून प्राण्यांना मुक्त संचार करण्यासाठी सोडावे. तसेच पाणवठे व अन्य सोयी उपलब्ध करून पर्यटकांना आकर्षित करण्याकरिता इको टूरिझम तयार करणे गरजेचे आहे. मात्र याबाबत कुठलीही पावले उचलली जात नाही.कोनसरीजवळ वन विभागाच्या क्षेत्रामध्ये वन विभागाच्या क्षेत्रामध्ये शेकरू प्राणी आढळतो. सदर प्राणी अभयारण्यात आणून पर्यटकांना आकर्षित केले जाऊ शकते. येथे बारमाही वाहणारी वैनगंगा नदीही आहे. चपराळा येथे इंग्रजकालीन विश्रामगृह नदीकिनाऱ्यालगत वसली आहे. नैसर्गिक सौंदर्याने अभयारण्य नटलेले आहे. मात्र वन विभागाच्या दुर्लक्षामुळे अभयारण्याचा विकास खुुंटलेला आहे.भामरागड येथेही अभयारण्य आहे. मात्र दुर्लक्षामुळे यांचा विकास होऊ शकला नाही. वन विभागाने चपराळा व भामरागड अभयारण्याच्या विकासासाठी पुढाकार घ्यावा, वनमंत्री सुधीर मुनगंटीवार यांनी दखल घ्यावी, अशी मागणी नागरिकांनी केली आहे. (प्रतिनिधी)

यलमर मंगेवाडी येथील हणमंत येलपले यांनी ३० हजार रुपयांची मका विक्री केली होती. ...

वाराणसी न्यायालयाने ज्ञानवापी मशिदीच्या व्यास तळघरात पूजा करण्याची परवानगी दिली आहे. ...

कंपनीचे कर्मचारी आगाऊचे पैसे भरा म्हणून तगादा लावत होते ...

डोक्यावर ग्लास अन् 'जमाल कुडू'वर डान्स; भाचीच्या लग्नातील बॉबी देओलचा व्हिडिओ व्हायरल ...

१० हजारांच्या पुढे भाव, नाफेडच्या केंद्रांना शेतकऱ्यांची प्रतीक्षा ...

शेतकरी शास्त्रज्ञ मंच कार्यक्रम संपन्न ...

अगदी आघाडीवरच्या टॉपच्या कलाकारांनाही बाहेरचा रस्ता दाखवला आहे. ...