Latest Marathi News

उत्तर प्रदेशमध्ये निवडणुकीत गैरव्यवहार झाल्याच्या बातम्या येत असतात. यावेळी महोबा जिल्ह्यातूनही असेच काहीसे प्रकरण समोर आले आहे. पंचायत निवडणुकीच्या आधीच असा एक प्रकार उघडकीस आला, ज्याने खुद्द निवडणूक आयोगाचे अधिकारीही चक्रावून गेले. येथे एकाच घरात तब्बल ४,२७१ मतदारांची नोंदणी आढळली आहे. विशेष म्हणजे या गावात एकूण मतदारांची संख्या केवळ १६,००० आहे. हा ४,२७१ मतदारांचा घोटाळा राज्य निवडणूक आयोगाने आर्टिफिशियल इंटेलिजन्सच्या मदतीने केलेल्या सर्वेक्षणात उघड झाला आहे.हे प्रकरण महोबा येथील जैतपुर गावातील आहे. एआयने या गावात एक असा मतदार गट शोधून काढला आहे, ज्यामध्ये एकूण ४,२७१ मतदार आहेत. या सर्व मतदारांचा पत्ता एका तीन खोल्यांचे घर असल्याचे सांगितले आहे. याची सत्यता पडताळण्यासाठी आयोगाच्या अधिकाऱ्यांनी बीएलओला घटनास्थळी पाठवले. जेव्हा घरमालकाला याबद्दल माहिती माहिती विचारण्यात आली, तेव्हा ते स्वतःच चकित झाले. इतक्या मोठ्या प्रमाणात मतदारांची नोंद त्यांच्या पत्त्यावर कशी झाली आणि हे कोण लोक आहेत, हे त्यांना स्वतःलाही माहीत नव्हते.यातील सर्वात मोठी गोष्ट म्हणजे हे सर्व बोगस मतदार ज्या उमेदवाराला मतदान करतील, त्याचा विजय निश्चित आहे. एवढेच नाही, तर याच मतांच्या जोरावर गावात दोन ग्रामपंचायत सदस्य आणि एक ब्लॉक पंचायत सदस्यसुद्धा निवडले जाऊ शकतात. मात्र, आता निवडणूक आयोगाने घरातील खऱ्या मतदारांची ओळख पटवून इतर सर्व मतदारांना बोगस ठरवले असून, त्यांना रद्द करण्याची प्रक्रिया सुरू केली आहे. याआधीही महोबा येथे एका पानपट्टीवाल्याच्या पत्त्यावर २४३ बोगस मतदार आढळले होते.पंचायत निवडणुकीपूर्वी सर्वेक्षण सुरू!उत्तर प्रदेश राज्य निवडणूक आयोगाने त्रिस्तरीय पंचायत निवडणुकीसाठी मतदार यादी पुनर्रिक्षण कार्यक्रम सुरू केला आहे. हा कार्यक्रम २० सप्टेंबरपर्यंत चालणार आहे. या अंतर्गत, आयोग एआयच्या मदतीने बोगस मतदारांची ओळख पटवत आहे. एआयने ओळखलेल्या बोगस मतदारांची संबंधित भागातील बीएलओमार्फत प्रत्यक्ष पडताळणी केली जात आहे. याच प्रक्रियेत महोबाच्या जैतपुर गावातील घर क्रमांक ८०३ मध्ये ४,२७१ मतदारांची नावे आढळून आली. महोबाचे एडीएम कुंवर पंकज यांच्या मते, मतदार यादीतील त्रुटी सुधारल्या जात आहेत.

साखळी येथे स्टीम लॅब उपक्रमाचे उद्घाटन : शिक्षणात क्रांती घडविण्यासाठी सरकार सज्ज ...

रस्ते पाण्याखाली जुलैमध्ये आत्तापर्यंत ३२ इंच वृष्टी ...

"हिंदीची सक्ती नको, कारण...; स्वप्नील जोशीचं परखड मत, नेमकं काय म्हणाला? ...

अन्य संगणकाच्या तुलनेत डेस्कटॉपवर सुलभतेने काम करता येते. त्यामुळे डेस्कटॉपची मागणी पुन्हा वाढत आहे. ...

शब्दांशिवाय भावना व्यक्त करण्याचे माध्यम असलेल्या इमोजींचा १७ जुलैला नुकताच वाढदिवस झाला. ...

ओल्ड गोवा येथे उच्चशिक्षण संचालनालयाच्या वतीने कार्यशाळेचे आयोजन, डिजिटल शिक्षणावर अधिक भर ...

चिनी संशोधकांनी लावलेला शोध ३ जुलैच्या पीअर रिव्ह्यूएड जर्नल कॅन्सर सेल यात प्रकाशित झाला आहे. ...