Latest Marathi News

मनपा : शहराची सहा भागात विभागणीनागपूर : कर वाढीचा संबंधित प्रस्ताव आता स्थायी समितीच्या बैठकीत ठेवून नंतर महपालिका सभागृहात मंजूर केला जाईल. त्यानंतर १ एप्रिल २०१५ पासून करवाढ लागू होईल. करात नेमकी किती वाढ होईल, याची निश्चित माहिती कुणीही द्यायला तयार नाही. असे असले तरी तज्ज्ञांनुसार करात तब्बल ४० टक्क्यांची वाढ होण्याची शक्यता आहे.याशिवाय मालमत्ता करात मलजल लाभ कर, पाणी लाभ कर तसेच पथ कर असे तीन नवे कर समाविष्ट करण्यात आले आहेत. यापूर्वी आकारण्यात येणारा एक टक्के दिवाबत्ती कर रद्द करण्यात आला आहे. नव्या कर प्रणालीमध्ये वार्षिक भाडे मूल्य (एएलवी) ला आधार मानण्यात आले असून रेडिरेकनरनुसार कर वसुली होणार नाही हे त्यामुळे स्पष्ट झाले आहे. आता शहराची सहा भागात विभागणी करून त्या वर्गीकरणाच्या आधारावर कर वसुली केली जाईल.कर संकलन समितीचे सभापती गिरीश देशमुख यांनी सांगितले की, नव्या कायद्यानुसार येत्या आर्थिक वर्षात लागू करावयाच्या कर प्रणालीची घोषणा फेब्रुवारी महिन्यात करून तिला महापालिका सभागृहात मंजुरीसाठी सादर करणे आवश्यक आहे. नागपूरकरांचे हित विचारात घेऊन नवी व्यवस्था तयार करण्यात आली आहे. ती सभागृहात सादर केली जाईल. सभागृहाला त्यात सुधारणा करण्याचा अधिकार असून सभागृहाच्या संमतीनंतरच त्याची अंमलबजावणी केली जाईल. नव्या कायद्यानुसार तीन नवे कर लागू करणे बंधनकारक आहे. त्यामुळे ते लागू केले जातील, असेही त्यांनी स्पष्ट केले. भाडेकरू असतील तर अधिक कर आकारला जात होता. याची दखल घेत यासाठी एक नवा नियम तयार करण्यात आला आहे. सभागृहाच्या मंजुरीनंतर याबाबतचे चित्र स्पष्ट होईल. (प्रतिनिधी)

मीरा-भाईंदर येथे उसळलेल्या जातीय दंगली संदर्भात १३ गुन्हे दाखल करण्यात आले आहेत. ...

काही दिवसांपूर्वी चार व पाच वर्षांची दोन मुले हरवल्याची तक्रार पोलिसांत करण्यात आली ...

घरांच्या बांधणीसाठी आवश्यक स्टील, सिमेंट, वाळू, विटा, यांच्या विक्रीदरात वाढ झाली आहे ...

बॅगमधील नूडल्सच्या पाकिटामध्ये २ कोटी २ लाख रुपये किमतीचे हिरे आढळून आले. ...

Amethi Lok Sabha Election 2024 : अमेठीमध्ये 20 मे रोजी पाचव्या टप्प्यात मतदान होणार आहे, मात्र त्याआधी पोस्टर वॉरही सुरू झाले आहे. ...

हे नवीन प्लान्स येत्या उद्या म्हणजेच २५ एप्रिलला लॉन्च केले जाणार आहेत. ...