Latest Marathi News

पुणे - नवले पुलावर आज गुरुवारी (दि. १ ३ ) सायंकाळी भीषण अपघात झाला. या अपघातात सुमारे सात ते आठ वाहनांचा समावेश असल्याची प्राथमिक माहिती मिळत आहे. या भीषण अपघातात आठ जणांचा दुर्दैवी मृत्यू झाल्याची माहिती समोर आली असून, अनेक जण जखमी झाले आहेत. या अपघातात सुमारे पंधरा ते वीस वाहनांचा सहभाग असल्याची प्राथमिक माहिती मिळत आहे.अधिकच्या माहितीनुसार, साताऱ्याकडून पुण्याकडे येणाऱ्या महामार्गावर भुमकर पुलाजवळील कंटेनरने अचानक नियंत्रण सुटल्याने पुढील वाहनांना धडक दिली. या धडकेत ट्रॅव्हलर बस पलटी झाली असून, त्यामध्ये १८ ते २० प्रवासी होते. सुदैवाने बसमधील प्रवाशांना किरकोळ दुखापती झाल्या असून, मोठी जीवितहानी टळली आहे. मात्र पुढे असलेल्या एका सीएनजी कारला कंटेनरने जोरदार धडक दिल्याने ती कार दोन कंटेनरमध्ये अडकली. धडकेनंतर कारला पेट लागला आणि काही क्षणांतच आगीने भयंकर रूप धारण केले. कारमध्ये एक कुटुंब अडकल्याची माहिती मिळाली असून, त्यामध्ये दोन पुरुष, एक महिला आणि सुमारे चार ते पाच वर्षांचे एक लहान मूल असा चौघांचा जागीच मृत्यू झाला. तसेच कंटेनरमधील चालक व क्लीनर यांचाही यात मृत्यू झाल्याचे समजते.या दुर्घटनेनंतर पुणे आणि पीएमआरडीए अग्निशमन दलाची पथके तातडीने घटनास्थळी दाखल झाली. त्यांनी आग विझवण्याचे आणि बचावकार्याचे प्रयत्न युद्धपातळीवर सुरू केले आहेत. पोलिसांनी परिसरातील वाहतूक वळवून नागरिकांना त्या मार्गावरून जाणे टाळण्याचे आवाहन केले आहे. अपघाताचे नेमके कारण समोर येण्यासाठी पोलिस तपास सुरू असून, प्राथमिक अंदाजानुसार ब्रेक फेल होणे किंवा नियंत्रण सुटणे हे कारण असावे, अशी शक्यता व्यक्त केली जात आहे. या भीषण अपघातामुळे परिसरात एकच खळबळ उडाली असून, घटनास्थळी मोठी गर्दी झाली आहे.

पोलीस तपासात धक्कादायक माहिती समोर, नीलेश घायवळसह एकाचा सहभाग ...

Healthy Apple : सध्या सफरचंदाचे भाव कमी झाले असून आरोग्यासाठी लाभदायी असल्याने मागणी वाढली आहे. ...

१९९८ च्या पोखरण चाचण्यांपासून भारताचे अणु धोरण 'नो फर्स्ट यूज' (NFU) तत्त्वावर आधारित आहे. ...