Latest Marathi News

विशेष प्रतिनिधी ।लोकमत न्यूज नेटवर्कअलिबाग : जून महिनाअखेर उजाडला तरी पावसाने जिल्ह्यात म्हणावा तसा जोर पकडलेला नाही. जिल्ह्यात ८० टक्के भात पेरण्या पूर्ण झाल्या असल्या तरी त्यापैकी ६० टक्केपेक्षा अधिक पेरण्या पावसाअभावी करपू लागल्या आहेत. ४० टक्के पेरण्या उपलब्ध नद्या आणि विहिरींच्या पाण्यावर तरू शकल्या आहेत. येत्या दोन दिवसांत आर्द्रा नक्षत्राचा पाऊस चांगला होईल असा आशावाद प्रयोगशील शेतकरी महेश्वर देशमुख यांनी व्यक्त केला आहे.शुक्रवारी सकाळी आठ वाजता संपलेल्या ४८ तासांत जिल्ह्यात एकूण ४०९.४६ मिमी पावसाची नोंद झाली आहे. हे पर्जन्यमान सरासरी २५.५९ मिमी आहे. गतवर्षी हे पर्जन्यमान ११०.३० मिमी होतेजिल्ह्यातील २८ लघुपाटबंधारे प्रकल्प (छोटी धरणे) क्षेत्रात अपेक्षित पाऊस झाला नसल्याने धरणांतील पाणी पातळी तळ गाठू लागली आहे. २८ धरणांची एकूण जलसाठा क्षमता ६८.२६१ दलघमी असून, शुक्रवारी त्यामधील प्रत्यक्ष उपलब्ध जलसाठा केवळ १७.४७६ दलघमी आहे. दरम्यान, १ जून २०१७ पासून सुरू झालेल्या पावसात या २८ धरण प्रकल्प क्षेत्रात एकूण ७६७८ मिमी पावसाची नोंद झाल्याची माहिती रायगड पाटबंधारे विभागाच्या सूत्रांनी दिली आहे.वीजनिर्मितीकरिता महत्त्वपूर्ण असलेल्या भिरा धरण क्षेत्रात देखील पर्जन्यमानात घट झाली आहे. शुक्रवारी सकाळी संपलेल्या ४८ तासांत केवळ २० मिमी पावसाची नोंद धरण क्षेत्रात झाली. तर १ जून २०१७ पासून केवळ ४५५.६० मिमी पावसाची नोंद येथे झाली आहे. भिरा धरणाची एकूण संकल्पित जलसाठवण क्षमता ९.०९० दलघमी आहे तर सद्यस्थितीत येथे उपयुक्त शिल्लक जलसाठा ४.७५५ दलघमी आहे.जिल्ह्यात कुंडलिका, अंबा, सावित्री, पाताळगंगा, उल्हास आणि गाढी अशा सहा प्रमुख नद्या आहेत. परंतु या सर्व नद्यांच्या पाण्यातही अद्याप कोणतीही वाढ झालेली नाही.१ जूनपासून कुंडलिका नदी क्षेत्रात एकूण २७३ मिमी, अंबा नदी क्षेत्रात एकूण ३२४ मिमी, सावित्री ३१५ मिमी, पाताळगंगा ७१ मिमी,उल्हास नदी १२४ मिमी आणि गाढी नदी क्षेत्रात १७२ मिमी पावसाची नोंद झाली असल्याची माहिती पाटबंधारे विभागाच्या सूत्रांनी दिली आहे.शुक्रवारी सकाळी आठ वाजता संपलेल्या ४८ तासांत जिल्ह्यात सर्वाधिक ६६ मिमी पावसाची नोंद गिरिस्थान माथेरान येथे झाली आहे. उर्वरित ठिकाणी तळा-५९, पनवेल-५८.४०,पेण-४०.१०,उरण-३७, खालापूर-२८, रोहा-२७, सुधागड-१८.६६, अलिबाग-१८, कर्जत-१४.७०,पोलादपूर-१३, म्हसळा-१०, माणगाव-०८, महाड-०५, मुरुड व श्रीवर्धन येथे ०३ मिमी पावसाची नोंद झाली आहे.

डी.एड. महाविद्यालयांना लागले टाळे; ८५ पैकी उरली फक्त २९ महाविद्यालये ...

सिनेमे करत नाही, बॉलिवूडपासूनही आहे दूर; मग गोविंदा कोट्यवधी कसे कमावतो? ...

फॉरवर्ड करणाऱ्यासह ग्रुप 'ॲडमिन'देखील जबाबदार, कमेंट करून प्रोत्साहन देणाऱ्यांवरही लक्ष ...

ऐन उन्हाळ्याच्या सुरवातीला पाणीप्रश्न ऐरणीवर ...

शिक्षण मंडळाकडून घेण्यात आलेल्या दहावी-बारावीच्या परीक्षेत छत्रपती संभाजीनगर विभाग कॉपी प्रकरणात आघाडीवर ...

पैशांसाठी आजीने नातीला महिला हाेमगार्डला ५ हजारांत विकले; सिटी चौक पाेलिसांकडून बारा तासांत शोध ...

भाजप, काँग्रेसच्या कार्यालयात लगबग : राष्ट्रवादीचे रंगकाम सुरू ...

या चकमकीत सर्व आठ आरोपींच्या पायावर गोळ्या लागल्या. सध्या या घटनेची परिसरात चर्चा सुरू आहे. ...

काही भागात भूगर्भातील जलस्तर घसरल्याने ३५० फूटापर्यंत खाली बोअर घेतले जात आहेत. ...