Latest Marathi News

पुणे : गेल्या वर्षभरात पुणेकरांची मोकाट कुत्र्यांच्या त्रासाची समस्या गंभीर बनली आहे. १ जानेवारी ते ३१ डिसेंबर २०१४ या कालावधीत शहरात १२ हजार नागरिकांना श्वानदंशाचा सामना करावा लागला असून, दररोज सरासरी २५ ते ३० जणांना श्वानदंश होण्याचे प्रकार समोर येत आहेत. त्यातील दोन जणांना रेबीजमुळे आपला जीव गमवावा लागला आहे, तर या जीवघेण्या आजाराची लागण चार जणांना झाली आहे.शहरात नागरिकांकडून; तसेच शहरातील हॉटेलचालकांकडून या कचऱ्याचे वर्गीकरण न करता, थेट कचरापेट्यांमध्ये टाकल्यामुळे मध्य रात्रीनंतर शहरातील रस्त्यांवर मोकाट कुत्र्यांचेच साम्राज्य असते. मोकाट कुत्र्यांकडून या पेट्यांच्या शेजारून जाणाऱ्या नागरिकांवर हल्ला केला जात आहे. त्यामुळे श्वानदंशाच्या घटनांचे प्रमाण वाढले आहे. पालिकेच्या आरोग्य विभागाकडे; तसेच पालिकेच्या रुग्णालयांमध्ये नोंदविण्यात आलेल्या या घटनांच्या आकडेवारीनुसार - गेल्या वर्षभरात श्वानदंशाच्या १२ हजार घटना समोर आल्या आहेत. हे प्रमाण सरासरी प्रत्येक महिन्यास १ हजार असून, दर दिवशी ३० च्या आसपास असल्याचे महापालिकेच्या आरोग्य विभागाकडून सांगण्यात आले. आरोग्य विभागाच्या सांगण्यानुसार, शहरात सुमारे ४५ हजार मोकाट कुत्री असण्याची शक्यता आहे. (प्रतिनिधी)पालिकेच्या रुग्णालयांमध्ये २७ जणांनी रेबीजचे उपचार घेतले आहेत. त्यातील ४ रुग्ण पालिका हद्दीतील, तर २३ रुग्ण शहराच्या हद्दीबाहेरील असल्याचा दावा पालिका प्रशासनाने केला आहे. तसेच, रेबीजची लागण झालेल्या रुग्णांमध्ये २२ जणांचा मृत्यू झाला असून, त्यातील केवळ २ रुग्ण शहराच्या हद्दीतील, तर इतर २० रुग्ण हद्दीबाहेरील असल्याचे आरोग्य विभागाकडून सांगण्यात आले.अपघातही वाढलेमोकाट कुत्री दुचाकी वाहनचालकास आडवी आल्याने अथवा वाहनचालकांच्या गाडीवर धावून गेल्याने, गाड्या घसरून अपघातही होत असल्याचे समोर आले आहे. रात्रीच्या वेळी अशा अपघातानंतर तत्काळ मदत न मिळाल्याने अनेकांना मोठ्या मनस्तापाचाही सामना करावा लागत आहे.प्राणी क्रूरता कायद्यानुसार, कुत्र्यांना मारता येत नाही. त्यांच्यावर नियंत्रण आणण्यासाठी कुत्र्यांची नसबंदी करून जिथून आणले, तिथे सोडले जाते. मोकाट कुत्र्यांच्या नियंत्रणासाठी शहराच्या चार दिशांना चार डॉग पॉन्ड सुरू करून, शस्त्रक्रियांचे प्रमाण वाढविण्यात येणार आहे. त्यामुळे मोकाट कुत्र्यांच्या संख्येवर नियंत्रण मिळविणे शक्य होईल.- डॉ. एस. टी. परदेशी,प्रभारी आरोग्यप्रमुख.शहरातील मोकाट कुत्र्यांची संख्या - ४५ ते ५० हजारवर्षभरातील श्वानदंशाच्या घटना - १२ हजारमोकाट कुत्र्यांची नसबंदी - ८ हजाररेबीजची लागण झालेले रुग्ण - २७रेबीजने मृत्यू पावलेल्या रुग्णांची संख्या - २२

पावसाळी वातावरणाने शेतकरी चिंतेत .. ...

जूनच्या पहिल्याआठवड्यापासून समुद्रात मोठी भरती येणार असून साडेचार मीटर उंचीच्या लाटा उसळणार आहेत. ...

उन्हाळी मिरची बाजारात दाखल ...