Latest Marathi News

उदगीर : उदगीर तालुक्यात महात्मा गांधी राष्ट्रीय ग्रामीण रोजगार हमी योजनेतून मंजूर करण्यात आलेली ६१७ कामे अर्धवट अवस्थेत बंद पडली असून, ही कामे पूर्ण झाल्याशिवाय नवीन कामांना मंजुरी देण्यात येऊ नये, असे शासनाचे आदेश असल्यामुळे गेल्या एक-दीड वषांत या तालुक्यात एकाही कामांना मंजुरीचे आदेश देण्यात आलेले नाहीत. उदगीर तालुक्यात महात्मा गांधी राष्ट्रीय ग्रामीण रोजगार हमी योजनेअंतर्गत ५९० विहिरी व ८० रस्त्यांच्या कामांना मंजुरी देण्यात आली होती. यापैकी फक्त ३४ विहिरींची व १९ रस्त्यांची कामे पूर्ण झाली असून, ५५६ विहिरी व ६१ रस्त्यांची कामे अर्धवट अवस्थेत बंद पडलेली आहेत. अपूर्ण कामे पूर्ण केल्याशिवाय नवीन कामांना मंजुरी देण्यात येऊ नयेत, असे शासनाने ४ जुलै २०१२ रोजी आदेश काढले आहे. त्यामुळे या तालुक्यात एकाही नवीन कामांना मंजुरी देण्यात आलेली नाही. उदगीर पंचायत समितीमध्ये नवीन लाभार्थ्यांच्या ५०० विहिरींचे व ३५ रस्त्यांचे प्रस्ताव मंजुरीसाठी गेल्या एक-दीड वर्षापासून धूळखात पडलेले आहेत. नवीन प्रस्ताव दाखल केलेले विहिरींचे लाभार्थी पंचायत समितीला खेटे मारत आहेत. यापूर्वी मंजूर करण्यात आलेली अपूर्ण कामे पूर्ण झाल्याशिवाय नवीन कामे मंजूर होणार नाहीत, अशा स्पष्ट सूचना संबंधित ग्रामविकास अधिकारी व ग्रामसेवकांना देण्यात आलेल्या आहेत. शिवाय, ही अपूर्ण कामे ३० मेपर्यंत पूर्ण करून घेण्यासाठी सर्व शाखा अभियंत्यांना वरिष्ठ अधिकार्यांकडून सूचना देण्यात आल्याची माहिती गटविकास अधिकारी डी.बी. गिरी यांनी दिली. महात्मा गांधी राष्ट्रीय ग्रामीण रोजगार हमी योजनेअंतर्गत ५९० विहिरी व ८० रस्त्यांच्या कामांना मंजुरी देण्यात आली होती. यापैकी ३४ विहिरींची व १९ रस्त्यांची कामे पूर्ण झाली असून, ५५६ विहिरी व ६१ रस्त्यांची कामे अर्धवट अवस्थेत आहेत. ही कामे ३० मेपर्यंत पूर्ण करून घेण्याच्या सूचना सर्व शाखा अभियंत्यांना गटविकास अधिकारी डी.बी. गिरी यांनी दिल्या.

वरोऱ्यात खळबळ : हत्येनंतर युवतीचा मोबाइल घेऊन आरोपी फरार ...

Maharashtra Budget 2024 : राज्याच्या महत्वपूर्ण घटक असलेल्या शेतकरी बांधवासाठी दहा मोठ्या घोषणा करण्यात आल्या आहेत. ...

गुन्हे शाखेच्या युनिट ३ ची कामगिरी : ६.३८ लाखांचा मुद्देमाल जप्त ...

गेल्याच वर्षी दोघांच्या नात्यात दुरावा आला. नुकतंच एजाजने ब्रेकअपचं दु:ख व्यक्त केलं आहे. ...