Latest Marathi News

नागपूर : नागपूर शहरातील स्वच्छता व्यवस्था अधिक परिणामकारक करण्यासाठी घराघरातून कचरा संकलन करणाऱ्या यंत्रणेला अधिक कार्यक्षम करण्याचे निर्देश वैद्यकीय व आरोग्य समिती सभापती मनीषा अतकरे यांनी दिले आहेत.बुधवारी मनपा मुख्यालयातील डॉ. पंजाबराव देशमुख स्मृती स्थायी समिती सभागृहात वैद्यकीय व आरोग्य समितीची आढावा बैठक पार पडली. यावेळी उपसभापती श्रीकांत आगलावे, समिती सदस्य पुजा भुगांवकर, रजनी वानखेडे, प्रमोद ठाकुर, भावना लोणारे, उपायुक्त राजेश भगत आणि मुख्य स्वच्छता अधिकारी डॉ. गजेंद्र महल्ले उपस्थित होते.स्वच्छता मोहिमेला गती देण्याचे निर्देशशहरातील मुख्य रस्त्यांवर नागरिक कचरा टाकणार नाहीत, यासाठी ठोस उपाययोजना करण्यासोबतच नाला सफाईच्या कामात गती वाढवण्याचे निर्देश मनीषा अतकरे यांनी दिले. बैठकीत खालील मुद्द्यांवर भर देण्यात आला:यंत्रणा सक्षमीकरण: घराघरातून कचरा संकलन करण्याची प्रक्रिया अधिक वेगवान करणे.मनुष्यबळ: सफाई कर्मचाऱ्यांची संख्या वाढवून स्वच्छतेचा दर्जा सुधारणे.जनजागृती: मनपातर्फे करण्यात आलेल्या सौंदर्याकरणाची माहिती नगरसेवकांसह नागरिकांना देणे.अनुपस्थित कर्मचाऱ्यांवर होणार कारवाईसफाई कर्मचाऱ्यांच्या उपस्थितीवर नियंत्रण ठेवण्यासाठी आधुनिक तंत्रज्ञानाचा वापर करण्याच्या सूचना उपसभापती श्रीकांत आगलावे यांनी दिल्या. कामावर अनुपस्थित राहणाऱ्या कर्मचाऱ्यांवर कडक कारवाई करण्याचे आदेश त्यांनी प्रशासनाला दिले. तसेच, जुनी आणि नादुरुस्त कचरा संकलन वाहने तातडीने बदलून नवीन यंत्रसामग्री उपलब्ध करून देण्याचे निर्देश सदस्य प्रमोद ठाकूर यांनी दिले.'स्वच्छ सर्वेक्षण २०२५-२६' चा रोडमॅपमुख्य स्वच्छता अधिकारी डॉ. गजेंद्र महल्ले यांनी विभागाच्या कामकाजाची माहिती समितीला सादर केली. पीआययू चमूतर्फे बैठकीत स्वच्छ सर्वेक्षण २०२५-२६ अंतर्गत 'स्ट्रॅटेजिक रोडमॅप फॉर सिटी एक्सलन्स' सादर करण्यात आला. यामध्ये कचरा विलगीकरण, रस्ते सफाई, डम्पिंग यार्डवरील कचऱ्याचे शास्त्रोक्त निर्मूलन, सांडपाणी व्यवस्थापन आणि शहराचे ओडीएफ (ODF) व जीएफसी (GFC) मानांकन मिळवण्याबाबतच्या नियोजनाची माहिती देण्यात आली.

एका स्पोर्ट्स लीगच्या पत्रकार परिषदेदरम्यान रणबीर कपूर पापाराझींवर चांगलाच संतापला. काय घडलं नेमकं? ...

- नगर रस्त्यावरील नागरिक धास्तावले; करण औजला याच्या दिल्लीतील कार्यक्रमात झाला हाेता गाेंधळ ...

Madhuri Dixit Nene Shares A Magical 3 Ingredients Hair Mask : केसांचे त्रास टाळण्यासाठी केमिकल्सयुक्त उत्पादनं फायद्याची ठरत नाही. ...

बीड घरकुल अपडेट: लाभार्थ्यांचे पैसे परराज्यात गेल्याची ग्रामपंचायत अधिकाऱ्याची कबुली ...

अचानक कुठे गायब झाली 'हमाल दे धमाल'मधील ही अभिनेत्री? आता काय करते माहितीये का? ...

Gulf War Effect : आखाती युद्धाची धग नवी मुंबईतील जेएनपीए बंदरापर्यंत पोहोचली आहे. ...