Latest Marathi News

तेलंगणा विधानसभा निवडणुकीच्या पार्श्वभूमीवर ३० नोव्हेंबरला मतदान झाले. याचा निकाल आता ३ डिसेंबरला जाहीर होणार आहे. दरम्यान, एक्झिट पोलनुसार, काँग्रेसला तेलंगणात स्पष्ट बहुमत मिळत असल्याचे दिसत आहे. असे असतानाही काँग्रेस हायकमांड अलर्ट मोडमध्ये आहे. इंडिया टुडेच्या वृत्तानुसार, काँग्रेस तेलंगणात निवडून आलेले आपले आमदार बंगळुरू किंवा इतर कोणत्याही शहरात पाठवण्याचा विचार करत आहे, जेणेकरून घोडेबाजार टाळता येईल. २०१४ मध्ये तेलंगणा राज्याची निर्मिती झाली, तेव्हापासून याठिकाणी बीआरएसची सत्ता आहे. तेलंगणा काँग्रेसचे प्रदेशाध्यक्ष रेवंत रेड्डी यांना राज्यात काँग्रेसच्या विजयाचा विश्वास आहे. मात्र, आमदारांना सध्या इतर ठिकाणी हलवण्याचा पक्षाचा विचार नसून रविवारी निकाल जाहीर झाल्यानंतर अंतिम निर्णय घेतला जाईल, असे सूत्रांच्या हवाल्याने सांगितले जात आहे. या संदर्भात आणखी एका ज्येष्ठ नेत्याने सांगितले की, राज्यात काँग्रेसला जवळपास ७० जागा मिळाल्या आल्या नाहीत, तर आमदारांना बंगळुरू किंवा इतर कोणत्याही शहरात पाठवण्याचा प्रस्ताव आहे. अशा परिस्थितीत या लोकांना इथल्या हॉटेल किंवा रिसॉर्टमध्येही राहता येईल. तेलंगणा विधानसभेत एकूण ११९ जागा आहेत. त्याचबरोबर, सरकार स्थापन करण्यासाठी ६० जागांची आवश्यकता आहे. अनेक एक्झिट पोलमध्ये राज्यात काँग्रेसला बहुमत मिळण्याची शक्यता वर्तविण्यात आली आहे. बहुमत मिळाल्यास काँग्रेस राज्यात सरकार स्थापन करू शकते. त्यामुळे विजयानंतर आमदारांना कुठल्यातरी गुप्त ठिकाणी पाठवले जाऊ शकते. तसेच, यामध्ये कर्नाटकचे उपमुख्यमंत्री डीके शिवकुमार महत्त्वाची भूमिका बजावू शकतात, असे म्हटले जात आहे. डीके शिवकुमार बजावणार महत्त्वाची भूमिका याआधीही डीके शिवकुमार यांनी आमदारांना शिफ्ट करण्याची भूमिका बजावली आहे. कर्नाटकमध्ये २०१८ मध्ये झालेल्या विधानसभा निवडणुकीत फ्लोर टेस्ट दरम्यान, काँग्रेस आणि जनता दल (एस) च्या आमदारांना सुरक्षित स्थळी पाठवण्यात आले होते. इंडिया टीव्ही सीएनएक्सनुसार, तेलंगणात काँग्रेसला ६३-७९ जागा मिळण्याची शक्यता आहे. तर बीआरएसला ३१-४७, भाजपला २-४ आणि एमआयएमआयएमला ५-७ जागा मिळण्याची शक्यता आहे.

करुणा पोचमलू निर्ला (२०) रा. कमलापूर, असे मृत्यू झालेल्या युवतीचे नाव आहे. ...

UPSC Result : UPSC मुख्य परीक्षा उत्तीर्ण झालेल्या उमेदवारांना मुलाखतीसाठी बोलावले जाईल. ...

MS Dhoni Amitabh Bachchan Shah Rukh Khan, Brand Endorsements: धोनीचा स्क्रीन टाइम तुलनेने कमी असला तरी त्याची ब्रँड व्हॅल्यू सतत वाढतच आहे. ...

Today Gold Silver Rate: सोने आणि चांदीच्या किमतीवर ३ टक्के जीएसटी वेगळा आकारला जातो. ...

आज सायंकाळी यवत पोलीस स्टेशनच्या हद्दीत सतीश वाघ यांचा मृतदेह सापडला. ...

शेकाप आणि डाव्या पक्षांचे मूठभर आमदार सरकारला दमवायचे. महाविकास आघाडीच्या नेत्यांना हे जमेल का ते बघू…. ...

स्थानिक नागरिकांसह शालेय विद्यार्थ्यांची उपोषणाला भेट ...