दुर्वा दळवी
कोल्हापूर: जिल्ह्यातील १० नगरपालिका आणि ३ नगरपंचायतीसाठी आज मतदान प्रक्रिया सुरु आहे. दरम्यान कागलमध्ये सकाळी तृतीयपंथी उमेदवार आणि पोलिसांमध्ये वाद झाल्याचं समोर आले.सकाळी मतदानाला सुरुवात झाल्यानंतर कागल शहरातील संत रोहिदास विद्यामंदिर या मतदान केंद्रावर सकाळी ९ वाजेच्या दरम्यान तृतीयपंथी उमेदवार जावेद पिंजारी आणि पोलिसांमध्ये न सांगता मतदान बॅलेट युनिट बदलल्याच्या कारणातून वाद निर्माण झाला. तसंच काही राजकीय पक्षांचे प्रतिनिधी पक्षाच चिन्ह लावून थेट मतदान केंद्रात येत असल्याचा प्रकारही या उमेदवारांनी निदर्शनास आणून दिला. यानंतर पोलिसांनी संबंधित राजकीय पक्षांच्या उमेदवार प्रतिनिधींना मतदान केंद्राच्या बाहेर काढलं.या मतदान केंद्रावर अतिरिक्त पोलिस अधीक्षक बी. धीरजकुमार, करवीर विभागाचे पोलीस उपधीक्षक सुजितकुमार क्षीरसागर, कागल पोलीस ठाण्याचे पोलीस निरीक्षक गंगाधर घावटे यांनी भेट दिली. पोलिसांनी हस्तक्षेप केल्यानंतर मतदान प्रक्रिया सुरळीत सुरू झाली. या केंद्रावर मतदारांनी मतदान करण्यासाठी मोठी गर्दी केली होती. किरकोळ प्रकार वगळता सकाळपासून जिल्ह्यातील सर्वच मतदान केंद्रावर मतदान प्रक्रिया सुरळीत सुरू झाली आहे.
दरम्यान, गडहिंग्लज येथे बोगस मतदान करण्याचा प्रयत्न झाल्याचे समोर आले. निवडणूक प्रशासनाने बोगस मतदान करणाऱ्या व्यक्तीला रोखले. जिल्ह्यात सकाळी ११.३० वाजेपर्यंत २८.१२ टक्के मतदान झाले. एकुण २५५७३७ मतदारांपैकी ७१९१२ मतदारांनी मतदान केले आहे.नगरपालिकेचे नाव, एकूण मतदार, झालेले मतदान व टक्केवारी खालील प्रमाणेनगरपरिषद
- जयसिंगपूर – ४९७४७ पैकी ९०२३, - १८.१४%,
- मुरगूड – १०१२८ पैकी ३४०५ - ३३.६२%,
- मलकापूर - ४९३४ पैकी १७५८ - ३५.६३%
- वडगाव - २३०४४ पैकी ८११९ - ३५.२३%
- गडहिंग्लज- ३०१६१ पैकी ७९६८ - २६.४२%
- कागल – २८७५३ पैकी ९०३३ - ३१.४२%
- पन्हाळा - २९६७ पैकी ९५३ - ३२.१२%
- कुरुंदवाड - २२२२४ पैकी ७५०४ - ३३.७७%
- हुपरी - २४८०२ पैकी ६४२८ - २५.९२%
- शिरोळ - २४५३९ पैकी ६५३१ - २६.६१%
नगरपंचायत
- आजरा -१४६८६ पैकी ४७३७ - ३२.२६%
- चंदगड - ८३१५ पैकी २७२० - ३२.७१%
- हातकणंगले - ११४३७ पैकी ३७३३ - ३२.६४%
दुपारी १.३० वाजेपर्यंत ४५.९०% मतदानजिल्ह्यात मतदार मतदानासाठी मोठ्या प्रमाणात बाहेर पडले होते. यामुळे दुपारी १.३० वाजेपर्यंत ४५.९० टक्के मतदान झाले. एकुण ३१८ मतदान केंद्रांवर २,५५,७३७ मतदारांपैकी १,१७,३९३ मतदारांनी मतदान केले. नगरपालिकेचे नाव, एकूण मतदार, झालेले मतदान व टक्केवारी खालील प्रमाणेनगरपरिषद
- जयसिंगपूर – ४९७४७ पैकी १५५१२ - ३१.१८%,
- मुरगूड – १०१२८ पैकी ५५३८ - ५४.६८%,
- मलकापूर - ४९३४ पैकी २८६५ - ५८.०७%
- वडगाव - २३०४४ पैकी १२९६३ - ५६.२५%
- गडहिंग्लज - ३०१६१ पैकी १३३८० - ४४.३६%
- कागल – २८७५३ पैकी १४४५७ - ५०.२८%
- पन्हाळा - २९६७ पैकी १६२६ - ५४.८०%
- कुरुंदवाड - २२२२४ पैकी ११६७१ - ५२.५२%
- हुपरी - २४८०२ पैकी १०२१० - ४१.१७%
- शिरोळ - २४५३९ पैकी ११००० - ४४.८३%
नगरपंचायत
- आजरा -१४६८६ पैकी ७६७३ - ५२.२५%
- चंदगड - ८३१५ पैकी ४५२८ - ५४.४६%
- हातकणंगले - ११४३७ पैकी ५९७० - ५२.२०%
Web Summary : Kagal witnessed a dispute between a transgender candidate and police over ballot unit changes. Political representatives entering polling booths with party symbols were removed. Voting proceeded smoothly after police intervention.
Web Summary : कागल में ट्रांसजेंडर उम्मीदवार और पुलिस के बीच मतपेटी इकाई परिवर्तन को लेकर विवाद हुआ। पार्टी प्रतीकों के साथ मतदान बूथों में प्रवेश करने वाले राजनीतिक प्रतिनिधियों को हटाया गया। पुलिस हस्तक्षेप के बाद मतदान सुचारू रूप से जारी रहा।