कोल्हापूर : येथील कोल्हापूर सराफ व्यापारी संघातर्फे अस्टर आधार हॉस्पिटलच्या सहकार्याने विद्यमाने शुक्रवारी सभासदांना कोरोना प्रतिबंधक लस देण्यात आली.
कोरोनाच्या वाढत्या संसर्गाच्या पार्श्वभूमीवर लस देण्याची मागणी सभासदांनी केली होती. त्यानुसार अध्यक्ष कुलदीप गायकवाड आणि संचालक मंडळाच्यावतीने याचे आयोजन करण्यात आले. त्यानुसार १५५ सभासद आणि त्यांच्या कुटुंबीयांना कोविशिल्ड लस देण्यात आली. अस्टरच्या वतीने डॉ. श्वेता गायकवाड, डॉ. अमित माने, रवींद्र पाटील, मंजूश्री परदेशी व अतुल कोळेकर यांनी सहकार्य केले.
या वेळी आणखी सभासदांनी लस देण्याची मागणी केली. मात्र, लसीच्या उपलब्धतेनुसार ती सभासदांना देण्यात येईल, असे श्री. गायकवाड यांनी या वेळी सांगितले. या वेळी सचिव अनिल पोतदार, संचालक शिवाजी पाटील, महेंद्र ओसवाल, प्रीतम ओसवाल आदी उपस्थित होते.