कोडोली : सातवे (ता. पन्हाळा) येथील चुकीची फेरफार नोंदीच्या दुरूस्तीसाठी दहा हजार रूपयांची लाच मागितल्या प्रकरणी तलाठी हणमंत शंकर बदडे ( रा. कसबा बावडा) याला लाचलुचपत विभागाच्या पथकाने बुधवारी रंगेहाथ पकडले. याप्रकरणी कोडोली पोलिस ठाण्यात गुन्हा दाखल करण्यात आला आहे.याबाबत पोलिसांकडून मिळालेली माहिती अशी, सातवे येथील विक्री केलेल्या प्लॉटचे क्षेत्रापेक्षा जास्त क्षेत्र खरेदी दस्तावर नोंदणी झाली होती. त्यामुळे चुकीचे फेरफार नोंदीच्या दुरूस्ती करीता तक्रारदाराने अर्ज केला होता. अर्जाप्रमाणे दुरूस्ती करण्यासाठी तलाठी बदडे यांनी दहा हजार रूपयांची मागणी केली होती. त्यापैकी चार हजार रूपये स्वीकारले होते. उर्वरित ६ हजारासाठी बदडे याने तक्रारदाराकडे तगादा लावला होता. याप्रकरणी लाच मागणी केल्याचे निष्पन्न झाल्याने गुन्हा दाखल करण्यात आला आहे. या पथकात पोलिस निरीक्षक राजेंद्र सानप, संदीप काशीद, सचिन पाटील, कृष्णा पाटील प्रशांत दावणे यांनी काम पाहिले.
Web Summary : A land officer in Kolhapur was caught red-handed accepting a 10,000 rupee bribe for correcting errors in land records. The officer had already taken part of the bribe and was demanding the rest when apprehended by anti-corruption officials. A case has been registered.
Web Summary : कोल्हापुर में एक भूमि अधिकारी को भूमि रिकॉर्ड में त्रुटियों को ठीक करने के लिए 10,000 रुपये की रिश्वत लेते हुए रंगे हाथ पकड़ा गया। अधिकारी ने पहले ही रिश्वत का कुछ हिस्सा ले लिया था और भ्रष्टाचार निरोधक अधिकारियों द्वारा पकड़े जाने पर बाकी की मांग कर रहा था। मामला दर्ज किया गया है।