कोपार्डे : वाकरे, ता. करवीर येथील ग्रामपंचायतीच्या वतीने ग्रामपंचायतीच्या प्रांगणात शिवजयंती साजरी करण्यात आली. यावेळी छत्रपती शिवाजी महाराजांच्या पुतळ्याचे पूजन विठ्ठल पाटील (वस्ताद) यांच्या हस्ते करण्यात आले. यावेळी सई पाटील हिने ‘छत्रपती शिवाजी महाराजांचा इतिहास, शिवचरित्र आणि आजची परिस्थिती’ या विषयावर भाषण केले. कार्यक्रमाच्या अध्यक्षस्थानी सरपंच वसंत तोडकर होते. यावेळी उपसरपंच शारदा पाटील, गणेश गुरव, विजय पोवार, सचिन पोवार, महादेव पाटील, तानाजी चौगले, चंद्रकांत पाटील, सदाशिव कुंभार, आनंदा पाटील, सर्व सदस्य, मुख्याध्यापक बीके चव्हाण, डॉ. श्वेता तोडकर, तलाठी संध्या कुंभार, आशा स्वयंसेविका, अंगणवाडी सेविका, प्राथमिक शाळेतील शिक्षक, शिक्षिका विद्यार्थी, ग्रामपंचायत कर्मचारी, ग्रामस्थ उपस्थित होते. ग्रामसेवक संभाजी पाटील यांनी प्रास्ताविक केले. आभार उपसरपंच शारदा पाटील यांनी मानले.
फोटो
वाकरे ग्रामपंचायतीच्या वतीने ग्रामपंचायत प्रांगणात छत्रपती शिवाजी महाराज यांची जयंती साजरी करण्यात आली. यावेळी विठ्ठल पाटील (वस्ताद), सरपंच वसंत तोडकर, उपसरपंच शारदा पाटील, सर्व सदस्य.