कोल्हापूर : रायगड विकास प्राधिकरणाचे अध्यक्ष संभाजीराजे छत्रपती यांना येत्या १४ आणि १५ नोव्हेंबर रोजी दिल्ली येथे होणाऱ्या ‘इंडियन मिलिटरी हेरिटेज फेस्टिव्हल’साठी युनायटेड सर्व्हिस इन्स्टिट्युशन ऑफ इंडिया (यूएसआय)तर्फे निमंत्रित करण्यात आले आहे.१८७० मध्ये स्थापन झालेली यूएसआय ही देशातील सर्वात जुनी लष्करी थिंक-टँक संस्था आहे. त्यांच्या सेंटर फॉर मिलिटरी हिस्टरी अँड कॉन्फ्लिक्ट स्टडी विभागाचे संचालक स्क्वॉड्रन लीडर राणा टी. एस. चिन्ना आणि वरिष्ठ सल्लागार डॉ. अर्चना त्यागी यांची नवी दिल्लीत संभाजीराजे छत्रपती यांनी भेट घेतली. यावेळी छत्रपती शिवाजी महाराजांच्या अद्वितीय लष्करी, तसेच सांस्कृतिक वारशाचे जतन आणि पुनरुत्थान करण्यासाठी रायगड विकास प्राधिकरण आणि सेंटर फॉर मिलिटरी हिस्टरी अँड कॉन्फ्लिक्ट स्टडी यांच्यात पुढील काळात संयुक्तरित्या काम करण्याबाबत चर्चा झाली. विशेषत: दुर्गराज रायगड व परिसरातील ऐतिहासिक लष्करी वारसा व्यवस्थापन धोरण, पर्यटन विकास व शाश्वतता, जैवविविधता संरक्षण, पर्यटन अर्थशास्त्र, तसेच स्थानिक रोजगार निर्मिती अशा विविध अंगांनी दोन्ही संस्था एकत्रितरीत्या कार्य करु शकतात, याबाबत चर्चा झाली. या बैठकीला प्राधिकरणाचे तज्ज्ञ सल्लागार ए. के. सिन्हा, रामनाथन, वास्तू संवर्धक वरुण भामरे उपस्थित होते.
Web Summary : Sambhaji Raje Chhatrapati is invited to Delhi's 'Indian Military Heritage Festival' by the United Service Institution of India (USI). Discussions included preserving Shivaji Maharaj's military and cultural heritage, focusing on Raigad's historical military legacy, tourism, and local job creation. Collaborative efforts between USI and the Raigad Development Authority are planned.
Web Summary : संभाजी राजे छत्रपति को यूनाइटेड सर्विस इंस्टीट्यूशन ऑफ इंडिया (यूएसआई) द्वारा दिल्ली में 'इंडियन मिलिट्री हेरिटेज फेस्टिवल' के लिए आमंत्रित किया गया है। चर्चा में शिवाजी महाराज की सैन्य और सांस्कृतिक विरासत को संरक्षित करने, रायगढ़ की ऐतिहासिक सैन्य विरासत, पर्यटन और स्थानीय रोजगार सृजन पर ध्यान केंद्रित किया गया। यूएसआई और रायगढ़ विकास प्राधिकरण के बीच सहयोगात्मक प्रयासों की योजना है।