विश्वास सहकारी पतसंस्थेला २२ लाखांचा नफा

करंजफेण : कोतोली (ता. पन्हाळा) येथील विश्वास सह. पतसंस्थेस २०२०/२१ या आर्थिक वर्षात

एकूण २२ लाख २५ हजार नफा झाला असून, उलाढाल ४० कोटी ३७ लाख इतकी झाली असल्याची माहिती संस्थेचे संस्थापक व मुख्य कार्यकारी अधिकारी विश्वास पाटील यांनी सांगितले.

सभासदांना सहा टक्के लाभांश वाटप केला असून, संस्थेत ८ कोटी ६६ लाख इतक्या ठेवी आहेत. संस्थेने ५ कोटी ७२ लाख कर्ज वाटप केले आहे. बँक शिल्लक व गुंतवणूक ४ कोटी ४६ लाख इतकी आहे. भागभांडवल व निधी १ कोटी ३३ लाख इतका आहे. एकूण खेळते भांडवल १० कोटी ४२ लाख आहे. यावेळी संस्थेचे अध्यक्ष सर्जेराव पाटील, उपाध्यक्ष यशवंत पाटील, आदी उपस्थित होते.