नृसिंहवाडी सरपंचपदी पार्वती कुंभार

नृसिंहवाडी : नृसिंहवाडी (ता. शिरोळ) येथील सरपंचपदी दत्तराज ग्रामविकास आघाडीच्या पार्वती कुंभार यांची आठविरुद्ध तीन मतांनी विजयी झाल्या, तर उपसरपंचपदी रमेश बाबासो मोरे यांची बिनविरोध निवड झाली. निवडणूक निर्णय अधिकारी म्हणून नगररचना निरीक्षक मारुती जाधवांनी काम पाहिले.

अर्ज भरण्याच्या मुदतीत सरपंचपदासाठी दत्तराज ग्राम विकास आघाडीच्या कुंभार, तर विरोधी दत्तगुरू विकास पॅनलचे चेतन गवळी यांनी अर्ज दाखल केले, तर उपसरपंचपदासाठी दत्तराज ग्रामविकास आघाडीचे रमेश मोरे यांचा एकमेव अर्ज दाखल झाला होता. सरपंचपदासाठी हात उंचावून मतदान घेतल्यानंतर कुंभार यांना आठ, तर गवळी यांना तीन मते मिळाली. त्यामुळे निवडणूक निर्णय अधिकारी जाधव यांनी कुंभार यांची सरपंचपदी निवड झाल्याचे घोषित केले, तर उपसरपंचपदी मोरे यांची निवड निश्चित करण्यात आली.

यावेळी ग्रामविकास अधिकारी बी. एन. टोणे, तलाठी शिवपाल चौगुले, अमोल पुजारी, तानाजी निकम, पूनम जाधव, अनघा पुजारी, विद्या कांबळे, मंगल खोत, धनाजीराव जगदाळे, चेतन गवळी, चित्रा सुतार उपस्थित होते.

फोटो - २६०२२०२१-जेएवाय-०२-पार्वती कुंभार, रमेश मोरे