Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

विश्वास पाटीलकोल्हापूर : मानधन वाढ करण्याबाबत विचार करू... ती किती व केव्हा करणार याबद्दल कोणतेही ठोस आश्वासन देण्यास महिला व बालविकास मंत्री मंगलप्रभात लोढा यांनी सोमवारी नकार दिला. सरकार तुमच्या प्रश्र्नांबद्दल सकारात्मक आहे एवढेच आश्वासन त्यांनी दिले. राज्यभरातील प्रत्येक जिल्ह्यातील अंगणवाडी सेविका, मदतनीस यांच्याशी त्यांनी व्हीसीद्वारे संवाद साधला व त्यांचे म्हणणे ऐकून घेतले. ही केंद्र शासनाची योजना आहे. त्यामध्ये तुम्ही सर्वजण सहभागी आहात. त्यामुळे तुम्हाला सरकारी नोकर म्हणता येणार नसल्याचे प्रधान सचिव विनिता वेद सिंघल यांनी या चर्चेत स्पष्ट केले.प्रत्येक जिल्ह्यातील दोन सेविका, एक पर्यवेक्षिका यांना या चर्चेसाठी निमंत्रित करण्यात आले होते. सकाळी ११.३० ते १२ या वेळेत ही चर्चा झाली. चर्चेत आयुक्त रुबल आगरवाल व कोल्हापुरातून अंगणवाडी कर्मचारी संघटनेच्या नेत्या सुवर्णा तळेकर सहभागी झाल्या होत्या. एकात्मिक बालविकास प्रकल्प याराज्यभरातील अंगणवाडी सेविकांच्या कृती समितीने आमच्या सर्व कर्मचाऱ्यांना मानधन वाढ व सरकारी सेवेचा दर्जा द्या, अशी मागणी करून आंदोलनाचा इशारा दिला होता. समितीशी चर्चा करताना सरकार थेट सेविकांशी बोलणार असल्याचे सांगण्यात आले होते. त्यानुसार ही चर्चा झाली. लोकशाही असल्याने आम्ही तुमचे म्हणणे ऐकून घेत असल्याचे मंत्री लोढा यांनी सुरुवातीलाच स्पष्ट केले.चर्चेत अंगणवाडी सेविकेला १५ ते १८ हजार, तर मदतनीससाठी ११ हजार मानधन देण्याची मागणी झाली. सध्या सेविकेस ८,५०० तर मदतनीसला ४,२५० मानधन दिले जाते. एवढ्या तूटपूंजा मानधनात कुटुंब चालवणे मुश्कील आहे. महागाई प्रचंड वाढली आहे. अनेक महिलांना धुणी-भांड्यांची कामे करून संसाराचा गाडा चालवावा लागतो. कामे ढीगभर आणि पगार पळीभर अशी स्थिती असल्याच्या व्यथा महिलांनी मांडल्या. परंतु सरकारने फारसे ठोस आश्वासन दिले नाही.राज्यातील एकूण प्रकल्प - ५५३ग्रामीण भागातील प्रकल्प-३६४नागरी झोपडपट्टीतील प्रकल्प-१०४एकात्मिक बालविकास प्रकल्पांतर्गत एकूण अंगणवाड्या सुरु : १ लाख १० हजार ४८५शून्य ते ६ वर्षांपर्यंतची लाभार्थी मुले : ८६ लाख ३१ हजार ९१०.भाऊबीज २ हजार मिळणारराज्य सरकारने दिवाळीला २ हजार रुपये भाऊबीज देण्याचे यापूर्वीच मान्य केले आहे. ही तरी रक्कम किमान वेळेत मिळावी, अशी अपेक्षा कोल्हापूर जिल्हा अंगणवाडी सेविका कर्मचारी संघटनेच्या नेत्या सुवर्णा तळेकर यांनी व्यक्त केली.गोवा, पाँडेचरीत जास्त मानधनगोवा, पाँडेचरी व तामिळनाडूमध्ये जास्त मानधन दिले जाते. मग महाराष्ट्रात का मिळत नाही, असेही महिलांनी विचारले. परंतु त्याबद्दल फारसे स्पष्टीकरण झाले नाही.

Kolhapur (Marathi News)

पत्नीच्या चारित्र्याच्या संशयावरुन आपण हे कृत्य केल्याची कबुली त्याने दिल्यानंतर पोलीसही हादरले ...

युजीसीने विद्यापीठांना श्रेणीबद्ध स्वायत्तता देण्याचा निर्णय २०१८ मध्ये घेतला. ...

मंगळवार असल्याने दुसऱ्या दिवशीही भाविकांची अंबाबाईच्या दर्शनाला मोठी गर्दी होती. ...

फंडाची रक्कम मिळण्याकरिता प्रस्ताव तयार करून तो कोषागार कार्यालयात पाठविण्यासाठी मागितली लाच ...

मोटरसायकल चोरीप्रकरणी स्थानिक गुन्हे अन्वेषण शाखा कोल्हापूरच्या पथकाने शिताफीने केली होती अटक ...

महसूलमंत्री राधाकृष्ण विखे पाटील यांच्या समोर जोरदार खडाजंगी ...

सोन्याच्या पालखीची मिरवणूक पाहण्यासाठी अलोट गर्दी ...

लम्पी त्वचारोगाने हैराण झालेल्या शेतकऱ्यांचे पशुधन जगले पाहिजे यासाठी जिल्ह्याला एक कोटीचे अर्थसाहाय्य ...

तूटपूंजा मानधनात कुटुंब चालवणे मुश्कील ...