Kolhapur News | Latest Kolhapur News in Marathi | Kolhapur Local News Updates | ताज्यबातम्या कोल्हापूर | कोल्हापूर समाचार | Kolhapur Newspaper

कोल्हापूर : शहीद दाभोलकर आणि पानसरे विचार मंचतर्फे रविवारी आयोजित करण्यात आलेल्या निषेध फेरीमध्ये भाजप सरकार आणि पोलीस प्रशासनाचा तीव्र निषेध करण्यात आला़ यावेळी ‘मुख्यमंत्री देवेंद्र फडणवीस, पंतप्रधान नरेंद्र मोदी, पालकमंत्री चंद्रकांतदादा पाटील मुर्दाबाद’ आदी घोषणा दिल्या़ रेखाचित्रे प्रसिद्ध करूनही मारेकऱ्यांना पकडण्यात अद्याप का अपयश येत आहे, याचे उत्तर मुख्यमंत्र्यांनी द्यावे, अशी मागणीही करण्यात आली़राजारामपुरीतील जनता बझार येथून सायंकाळी साडेसहा वाजता या निषेध फेरीला प्रारंभ झाला़ गोविंद पानसरे आणि डॉ़ नरेंद्र दाभोलकर यांच्या प्रतिमांचे फलक हाती घेतलेले कार्यकर्ते या फेरीत सहभागी झाले़ ‘गोविंद पानसरे अमर रहे’, ‘पानसरे आणि दाभोलकरांच्या मारेकऱ्यांना शिक्षा झालीच पाहिजे’, ‘आरएसएस मुर्दाबाद’, ‘मुख्यमंत्री मुर्दाबाद’, ‘पालकमंत्री मुर्दाबाद’ अशा घोषणा देत ही फेरी राजारामपुरी मुख्य रस्ता, मारुती मंदिर, नार्वेकर भाजी मंडई, प्रतिभानगर रोडमार्गे हुतात्मा स्मारक येथे सातच्या सुमारास पोहोचली़मारेकऱ्यांच्या तपासात शासन व पोलिसांना आलेल्या अपयशाचा खरपूस समाचार यावेळी घेण्यात आला़ मेघा पानसरे म्हणाल्या, डॉ़ दाभोलकरांच्या हत्येला दोन वर्ष पूर्ण होत आली आहेत, पानसरें यांच्या हत्येला पाच महिने झाले असले, तरी त्यांच्या मारेकऱ्यांना पकडलेले नाही. मारेकऱ्यांचा तपास करण्याची शासनाची इच्छाच नसल्याचे दिसून येत आहे़ पोलिसांकडून तपासामध्ये प्रगती नाही़ त्यामुळे तपासाबाबतची आशा अंधुक होत आहे, पण तरीही आम्ही मागे हटणार नाही़यावेळी मारेकऱ्यांचा लवकर तपास करावा, आमच्या संयमाला मर्यादा आहेत़ हा संयम सुटल्यास त्याची जबाबदारी पोलीस आणि शासनाची असेल, असा इशाराही देण्यात आला़ यावेळी ‘मुख्यमंत्री जवाब दो’, ‘दणा दणा दणा वणवा पेटला दणा दणा अन् या सरकारला हाणा ना’ अशा घोषणांनी हुतात्मा पार्क परिसर दणाणून गेला़ पानसरेंच्या मारेकऱ्यांना त्वरित पकडावे या मागणीचे निवेदन आज, सोमवारी जिल्हा पोलीसप्रमुखांना देणार असल्याचेही सांगण्यात आले़या निषेध फेरीमध्ये दिलीप पोवार, अतुल दिघे, सुभाष जाधव, प्रा़ विलास रणसुभे, एम़ बी़ पडवळे, एस़ बी़ पाटील, बाबूराव कदम, आशा कुकडे, अरुण पाटील, प्रभाकर आरडे, बाळ पोतदार, रमेश वडणगेकर, सुभाष वाणी, सुजाता म्हेत्रे, रसिया पडळकर, उमेश पानसरे, गीता हासूरकर, कुमार दाभाडे यांच्यासह कार्यकर्ते सहभागी झाले होते़ (प्रतिनिधी)

Kolhapur (Marathi News)

निर्णयास स्थगिती देण्याचा सर्वोच्च न्यायालयाचा निर्णय ...

महापालिकेत वादळी चर्चा : भरती प्रक्रियेसाठी पंधरा दिवसांची प्रशासनाला नोटीस; आयुक्तांचा निषेध ...

शाळेस भेट न दिल्याने आयुक्तांचा निषेध ...

प्रशासनाची कारवाई : नागरिकांच्या तक्रारीची घेतली दखल ...

रासायनिक प्रक्रिया : उत्सवमूर्तीचे पितळी उंबऱ्यापासून दर्शन ...

गॅस वितरकांना सूचना ...

दोन पोलिसांसह चार जखमी : शिवसन्मान जागर परिषदेत संभाजी ब्रिगेड, शिवप्रतिष्ठानच्या कार्यकर्त्यांत हाणामारी ...

सीपीआर आवारातील घटना : कौटुंबिक वादाचे पर्यवसान; दोन्ही बाजूंचे आठजण ताब्यात ...

शिक्षण संस्थाचालकांवर नजर : सरल स्कूल डाटा बेस संगणक प्रणाली कार्यरत ...

दाभोलकर-पानसरे विचार मंचचा सवाल : निषेध फेरीत मुख्यमंत्र्यांचा धिक्कार ...