Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : दिवंगत उपमुख्यमंत्री अजित पवार यांना गुरुवारी शोकाकुल वातावरणात शासकीय इतमामात अखेरचा निरोप देण्यात आला. बारामती येथील विद्या प्रतिष्ठानच्या परिसरात त्यांना अंत्यसंस्कारासाठी जिल्ह्यातील अनेक नेते आणि सर्वपक्षीय कार्यकर्त्यांनी हजेरी लावली. पवार यांच्या अपघाती निधनाने बुधवारपासून समाजमन सुन्न झाले आहे. असे व्हायला नको होते अशीच भावना प्रत्येकाच्या तोंडी आहे.यावेळी खासदार शाहू छत्रपती, पालकमंत्री प्रकाश आबिटकर, उच्च व तंत्र शिक्षण मंत्री चंद्रकांत पाटील, सहपालकमंत्री माधुरी मिसाळ, वैद्यकीय शिक्षण मंत्री हसन मुश्रीफ, माजी खासदार निवेदिता माने, उद्योजक व्ही. बी. पाटील यांनी उपस्थित राहून अंत्यदर्शन घेऊन श्रद्धांजली वाहिली.उपमुख्यमंत्री अजित पवार हे विविध निवडणुकीत जिल्ह्यातील कानाकोपरा पिंजून काढला होता. सर्वच पक्ष, संघटनेत त्यांना मानणारा मोठा वर्ग आहे. कोल्हापूरशी त्यांचे जवळचे नाते होते. म्हणून निधी देण्यातही त्यांनी कधी हात आखडता घेतला नाही, अशा प्रतिक्रिया सामान्यातूनही व्यक्त झाल्या. समाजमन अद्याप सुन्नदरम्यान, अचानकपणे त्यांच्या अपघाती निधन झाल्याने अनेकांना जबर धक्का बसला. राजकीय जीवनात त्यांच्यामुळे उभारी मिळालेले पदाधिकारी, कार्यकर्ते अजूनही सावरलेले नाही. त्यांनी बारामती येथे जावून उपमुख्यमंत्री पवार यांचे अंत्यदर्शन घेतले. बुधवारीही निधनाचे वृत्त कळताच जिल्हयातील सर्वच पक्षातील अनेक पदाधिकाऱ्यांनी बारामती गाठले. रात्रीही तिकडे जाण्यासाठी वाहनांची रीघ लागली होती. दरम्यान, कर्नाटक विधानसभेत महिला व बाल विकास मंत्री लक्ष्मी हेब्बाळकर यांनी श्रद्धांजली वाहिली. बेळगावात केएलई संस्थेचे प्रमुख प्रभाकर कोरे यांनी श्रद्धांजली वाहिली.शिरोळ, नृसिंहवाडी, हेरवाड येथे कडकडीत बंदशिरोळ : उपमुख्यमंत्री अजित पवार यांचे बुधवारी विमान अपघातात निधन झाले. त्यामुळे संपूर्ण राज्यभर शोककळा पसरली आहे. शिरोळ पालिकेने बुधवारी मासिक सभा तहकूब करून त्यांना श्रद्धांजली वाहिली. गुरुवारी शिरोळ शहर बंद ठेवून व्यापारी व नागरिकांकडून त्यांना श्रद्धांजली वाहण्यात आली.जिल्हा परिषद आणि पंचायत समितीच्या निवडणूक प्रचार दौऱ्यानिमित्ताने बारामती दौऱ्यावर विमानातून येत असताना बुधवारी सकाळी उपमुख्यमंत्री पवार यांच्या विमानाचा अपघात होऊन त्यामध्ये त्यांच्यासह विमानातील सहा लोकांचा दुर्दैवी मृत्यू झाला. या घटनेची माहिती समजताच संपूर्ण महाराष्ट्रात शोककळा पसरली. प्रत्येक गावात साश्रुपूर्ण नयनांनी त्यांच्या आठवणींना उजाळा देत श्रद्धांजली वाहण्यात आली.बुधवारी शिरोळ नगरपालिकेच्या पदाधिकाऱ्यांनी उपमुख्यमंत्री पवार यांना श्रद्धांजली अर्पण करून मासिक सभा तहकूब केली. गुरुवारी व्यापारी असोसिएशनने शहर बंद ठेवून त्यांना श्रद्धांजली वाहिली. हेरवाड, नृसिंहवाडी येथेही बंद पाळण्यात आला.

Kolhapur (Marathi News)

Akshay Jarg Kolhapur Deputy Mayor: शिवाय पाच वर्षे स्थायी समितीवर सदस्य केले जाणार ...

मग निवडून येऊन उपयोग काय..? ...

तरीही निवडणूक निर्णय अधिकारी यांनी त्यांचे नामनिर्देशनपत्र स्वीकारले असून ते मंजूरही केले आहे. ...

पोलिसांत गुन्हा दाखल : इतरांची बिले अपलोड केल्याने जीएसटीची नोटीस ...

रेल्वे मार्गासह मच्छीमार आणि बागायतदारांच्या उन्नतीसाठी ठोस पावले उचलण्यात आली ...

अलमट्टी धरणाला राष्ट्रीय दर्जा नाकारला ...

खुनाचे नेमके कारण समजू शकले नाही. ...

अंत्यसंस्काराला उपस्थिती, अजित पवार यांना वाहिली श्रद्धांजली ...