Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : जिल्ह्यात रविवारी पावसाची उघडझाप सुरू असली तरी धरण क्षेत्रात जोरदार पर्जन्यवृष्टी सुरू आहे. कोल्हापूर शहरात पाऊस कमी असला तरी गगनबावडा, राधानगरी, भुदरगड, शाहूवाडी तालुक्यांत चांगला पाऊस आहे. येत्या दोन दिवसांत जिल्ह्यात पावसाचा जोर वाढण्याचा अंदाज हवामान खात्याने वर्तविला आहे.दोन दिवसांपासून जिल्ह्यात पावसाने पुन्हा सुरुवात केली आहे. पावसाला जोर नसला तरी अधून-मधून जोरदार सरी कोसळत आहेत. रविवारी सकाळी ग्रामीण भागात जोरदार पाऊस झाला. जिल्ह्यात पाऊस कमी असला तरी धरण क्षेत्रात जोरदार पाऊस सुरू आहे. रविवारी सकाळी आठ वाजता संपलेल्या चोवीस तासांत राधानगरी धरण क्षेत्रात ५२ मिलीमीटर, दूधगंगा क्षेत्रात ३४, कुंभी धरण क्षेत्रात ४२ तर कोदे लघु पाटबंधारे क्षेत्रात ४८ मिलीमीटर पाऊस झाला आहे. शनिवारच्या तुलनेत रविवारी धरण क्षेत्रात पावसाचा जोर वाढला आहे. खरीप पिकांसह ऊस पिकाला हा पाऊस पोषक आहे. मध्यंतरी पावसाने उघडीप दिल्याने उसावर किडीचा प्रादुर्भाव झाला होता. पाऊस सुरू झाल्याने किडीचे प्रमाण थोडे कमी झाले असून आणखी पाऊस वाढला तर माव्यासारखी कीड आटोक्यात येण्यास मदत होणार आहे. दरम्यान, आज, सोमवारी पावसाचा जोर वाढण्याची शक्यता आहे. त्यानंतर तो कायम राहील, असा अंदाज आहे.कोल्हापुरात पावसाच्या हलक्या सरीकोल्हापूर : जिल्ह्यात पावसाचा जोर असला तरी शहरात रविवारी पावसाच्या हलक्या सरी कोसळून उघडझाप राहिली. शहरातील आठवडी बाजारात खरेदीला आलेल्या ग्राहकांची थोडी गैरसोय झाली. दिवसभर ढगाळ वातावरण राहिल्याने हवेत गारठा जाणवत होता. जून महिना पावसाचा असला तरी अर्धा महिना खडखडीतच गेला. पुन्हा शनिवारपासून वरुणराजाने जिल्ह्यात जोरदार हजेरी लावली. रविवारीही हेच चित्र होते. शहरात मात्र पावसाची उघडझाप राहिली. सकाळी जोरदार हजेरी लावलेल्या पावसाची दिवसभर उघडझाप राहिली. ढगाळ वातावरणामुळे हवेत गारठा होता. सायंकाळी पावसाच्या जोरदार सरी कोसळल्या. पावसाच्या वातावणामुळे रविवार शहरातील आठवडी बाजारात आलेल्या ग्राहकांची थोडी गैरसोय झाली.नद्यांच्या पातळीत वाढजिल्ह्यात सर्वत्र कमी-अधिक प्रमाणात पाऊस सुरू असल्याने लहान-मोठे ओढे भरून वाहू लागले आहेत. त्यामुळे नद्यांच्या पातळीत वाढ होऊ लागली आहे. ‘कुंभी’, ‘कासारी’, ‘तुळशी’, ‘भोगावती’च्या पाणी पातळीत वाढ होत आहे.

Kolhapur (Marathi News)