Kolhapur News | Latest Kolhapur News in Marathi | Kolhapur Local News Updates | ताज्यबातम्या कोल्हापूर | कोल्हापूर समाचार | Kolhapur Newspaper

कोल्हापूर : पाणीपट्टीची १० हजार रुपयांवरील थकबाकी असणारे महापालिकेच्या पाणीपुरवठा विभागाच्या रडारवर आहेत. अशा ११ हजार ३८३ थकबाकीदारांना नोटिसा बजावल्या आहेत. त्यांपैकी ८० कनेक्शनही तोडली आहेत. पुढील साडेतीन महिन्यांमध्ये वसुलीचे उद्दिष्ट १०० टक्के पूर्ण करण्यासाठी युद्धपातळीवर वसुली मोहीम सुरू आहे.महापालिकेच्या वतीने ‘ना नफा, ना तोटा’ तत्त्वावर पाणीपुरवठा विभागाकडून सेवा दिली जाते. मात्र, काहींकडून वेळच्या वेळी पाणीपट्टी जमा केली जात नाही. अशांवर महापालिकेच्या पाणीपुरवठा विभागाकडून कारवाईची मोहीम सुरू आहे. यासाठी पाच पथके तैनात केली आहेत. यामध्ये एक मीटर रीडर, एक वसुली प्रमुख, एक साहाय्यक, दोन फिटरचा समावेश आहे. त्यांच्याकडून ८० कनेक्शन तोडण्यात आली असून एक कोटींची थकबाकी वसूल केली आहे.चौक़टस्पॉट कलेक्शनमधून दोन कोटींची वसुलीगेल्या नऊ महिन्यांत स्पॉट बिलिंग आणि स्पॉट कलेक्शनचा ११ हजार ग्राहकांनी लाभ घेतला. त्यांच्याकडून दोन कोटी २० लाखांची वसुली झाली आहे. मशिनरी, साहित्य अपुरे असल्यामुळे सर्वच प्रभागांत याची अंमलबजावणी होत नाही.सवलतीचाही वसुलीवर परिणाममागील वर्षी महापुराच्या काळातील संबंधितांना ५० टक्के सवलत दिली होती. या वर्षी कोरोनामुळे व्यापाऱ्यांना फेब्रुवारी आणि मार्च महिन्यांचे व्याज; तर एप्रिल ते मेचे ५० टक्के पाणी बिल माफ केले. यामुळेही काही अंशी वसुलीवर परिणाम होत आहे.चौक़टएकूण पाणी कनेक्शन : एक लाख दोन हजार ४५०घरगुती कनेक्शन : ९९ हजार ४५४व्यापारी : १६२५औद्योगिक : १३७१पाणीपट्टी वसुलीचे उद्दिष्ट : ६८ कोटी ५० लाखवसुली : २४ कोटी ५२ लाखप्रतिक्रियामहापूर, कोरोनाचा विचार करून थकबाकीदारांचे कनेकशन तोडणे अथवा जप्तीची कारवाई तातडीने केली जात नाही. थकबाकी जमा करण्यासाठी त्यांना तीन ते चार हप्ते देतो. तरीही कोणी पैसे जमा केले नाही तर मात्र, कनेकश्न तोडणे आणि जप्तीची कारवाई केली जात आहे. यामध्ये पहिल्या टप्प्यात किरकोळऐवजी १० हजार रुपयांवरील थकबाकीदारांच्या वसुलीला प्राधान्य दिले आहे.प्रशांत पंडत, पाणीपट्टी अधीक्षक, महापालिका

Kolhapur (Marathi News)