Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

:कागल :महालक्ष्मी दूध संघ अडचणीमध्ये आला त्याचे मुख्य कारण म्हणजे राजकारण केले गेले. या संघाकडून कोणाचेही देणे देण्याचे शिल्लक राहिलेले नाही. महालक्ष्मी दूध संघावर खोटेनाटे आरोप करणारे माजी खा. धनंजय महाडिक भीमा साखर कारखान्यातील गैरव्यवहारामुळे नजीकच्या काळात तुरुंगातच जातील, असे प्रत्युत्तर मुरगुडचे नगराध्यक्ष राजेखान जमादार यांनी दिले आहे.कागलमध्ये गोकूळ दूध संघ निवडणुकीत राजर्षी शाहू शेतकरी आघाडीच्या उमेदवारांच्या प्रचार बैठकीत ते बोलत होते.नगराध्यक्ष जमादार म्हणाले महालक्ष्मी दूध संघाचे आता दुसरी व्यवस्था करून एक लाख लिटरवर संकलन सुरू आहे. आमच्यावर आरोप करणारे माजी खा. धनंजय महाडिक यांनी पंढरपूरच्या भीमा कारखान्यावर 400 कोटी रुपये कर्ज केले आहे. एफ.आर.पी. दिली नाही म्हणून साखर आयुक्तांनी साखर जप्त करून बिले भागवण्याची तयारी सुरू केली आहे. हे खोटे असेल तर कोणतीही शिक्षा मी भोगण्यास तयार आहे.चौकट...........● विठ्ठल-रुक्माई पतसंस्था मोडून खाल्लीसत्ताधारी आघाडीचे उमेदवार रणजित पाटील यांनी महालक्ष्मी दूध संघावर मुरगूडच्या मेळाव्यात टीका केली होती. त्यांनी तर विठ्ठल- रुक्माई पतसंस्था मोडून खाल्ली. शासनाचे पॅकेज घेऊन त्यांनी ठेवीदारांसह शासनालाही फसविले. संचालकांना फास लावला. एक संचालक धक्क्याने मृत्यू पावला, अशाने आम्हाला शिकण्याची आवश्यकता नाही. अशी टीका नगराध्यक्ष जमादार यांनी केली.फोटोओळीकागलमध्ये गोकूळ दूध संघ ठरावधारकांच्या प्रचार बैठकीत मुरगूडचे नगराध्यक्ष राजेखान जमादार यांचे भाषण झाले. ग्रामविकासमंत्री हसन मुश्रीफ, युवराज पाटील, भय्या माने उपस्थित होते.

Kolhapur (Marathi News)