Kolhapur News | Latest Kolhapur News in Marathi | Kolhapur Local News Updates | ताज्यबातम्या कोल्हापूर | कोल्हापूर समाचार | Kolhapur Newspaper

कोल्हापूर : रणरणत्या उन्हाळ्यात थोडा थंडावा अनुभवावा, म्हणून अंबाबाई रानावनात गेली, तिथे झाडांच्या पारंब्या, वेली, फुलांनी बहरलेल्या हिरव्यागार झुल्यावर निवांत बसून हळुवार झोके घेत आहे.. हे पुराणकथांमधून ऐकलेले, पौराणिक मालिकांमध्ये पाहिलेले दृश्य बुधवारी अक्षय्य तृतीयेनिमित्त कोल्हापूरकरांनी आणि परस्थ भाविकांनी याची देही याची डोळा अनुभवला. अंबाबाई मंदिराच्या गरुड मंडप परिसरात देवीच्या उत्सवमूर्तीची ही सालंकृत मनोहारी पूजा बांधण्यात आली होती, तर मूळ मूर्तीची आंब्याच्या वनातील बैठी पूजा बांधण्यात आली. या निमित्त देवीच्या दर्शनासाठी भाविकांनी मोठी गर्दी केली होती.वर्षातील साडेतीन मुहूर्तापैकी अर्धा आणि ज्याचा कधीही क्षय होत नाही, अशा अक्षय्य तृतीयेला करवीर निवासिनी श्री अंबाबाईची दरवर्षी झोपाळ्यावर हिंदोळा घेत असलेल्या रूपात पूजा बांधली जाते. बुधवारी दुपारची आरती झाल्यानंतर देवीच्या मूळ मूर्तीची आंब्याच्या वनातील बैठी सालंकृत पूजा बांधण्यात आली. दुपारनंतर मंदिर परिसरातील गरुड मंडपात देवीच्या उत्सवमूर्तीची झोपाळ्यातील पूजा बांधण्यात आली.यंदा गरुड मंडपाचे बांधकाम सुरू असल्याने त्या सदरेवर मांडव उभारण्यात आला. त्यानंतर, फुला-पानांनी, फळांनी सजलेल्या झुल्यावर देवीची पूजा बांधण्यात आली. यावेळी भाविकांना हरभऱ्याच्या डाळीची चटणी प्रसाद म्हणून दिली जाते. देवीची ही विशेष पूजा पाहण्यासाठी आणि दर्शनासाठी भाविकांनी मंदिरात मोठी गर्दी केली होती. दुपारनंतर वाढत गेलेली गर्दी रात्रीपर्यंत कायम होती.

Kolhapur (Marathi News)

राज्यात मुंबई-पुणे, मराठवाड्याचे प्रमाण अधिक ...

‘लोकमत’ वृत्ताची ध्वजारोहणावेळी चर्चा ...

कोल्हापूरसह सांगली, सोलापूर जिल्ह्यात चोऱ्या ...

मुद्दाला दिली सोयीस्कर बगल ...

उपाययोजना जुन्याच, शासन आदेश फक्त नवा ...