‘ना सत्तेसाठी, ना मतांसाठी, छत्रपती परिवार भिजला मराठ्यांच्या न्यायासाठी’

कोल्हापूर : ‘ना सत्तेसाठी, ना मतांसाठी... छत्रपती संभाजीराजेंचा परिवार भिजला मराठ्यांच्या न्यायासाठी...!’, ‘छत्रपती खडे तो सरकार से भी बडे...!’ अशा विविध संदेश कोल्हापुरातील सकल मराठा समाजाच्या मूक आंदोलनाची छायाचित्रे, व्हिडीओ बुधवारी सोशल मीडियावर व्हायरल झाली. मराठा समाजातील बांधव, भगिनी आणि तरुणाईने फेसबुक, व्हॉट्सअॅप, इन्स्टाग्राम, ट्विटर या सोशल मीडियावर मूक आंदोलनाची मशाल तेवत ठेवली.

मराठा समाजाच्या आरक्षणासह अन्य मागण्यांसाठी खासदार संभाजीराजे यांनी मूक आंदोलन जाहीर केल्यापासून या आंदोलनाबाबतच्या प्रत्येक घडामोड मराठा समाजातील तरुणाईकडून सोशल मीडियावर व्हायरल करण्यात येत होती. ‘१६ जून चलो कोल्हापूर’ अशी आंदोलनाची साद देणाऱ्या संदेशांचा समावेश होता. कोल्हापुरात बुधवारी आंदोलनानंतर ‘ना सत्तेसाठी, ना मतांसाठी... छत्रपती संभाजीराजेंचा परिवार भिजला मराठ्यांच्या न्यायासाठी...!’ , ‘छत्रपती खडे तो सरकार से भी बडे...!’ , ‘मतासाठी नव्हं तर मराठा आरक्षणासाठी पावसात भिजणारा जाणता राजा, कोल्हापूरचे युवराज संभाजीराजे छत्रपती’, ‘एकच मिशन मराठा आरक्षण’, ‘एक मराठा लाख मराठा’ आदी संदेश खासदार संभाजीराजे आणि त्यांच्या परिवारातील अन्य सदस्यांच्या आंदोलनस्थळावरील छायाचित्रे, व्हिडीओ व्हायरल झाले. अनेकांच्या डीपी, प्रोफाइलवर ते झळकले.

चौकट

अन्य बांधवांपर्यंत आंदोलन पोहचविले

दरम्यान, आंदोलनाला उपस्थित असणाऱ्या काही समन्वयक, मराठा समाजातील तरुणाईने सोशल मीडियाच्या माध्यमातून अन्य समाजबांधवांपर्यंत हे आंदोलन पोहोचविले.

फोटो (१६०६२०२१-कोल-मूक आंदोलन सोशल मीडिया ०१) : ‘ना सत्तेसाठी, ना मतांसाठी... छत्रपती संभाजीराजेंचा परिवार भिजला मराठ्यांच्या न्यायासाठी...!’ या संदेशासह हे छायाचित्र बुधवारी सोशल मीडियावर व्हायरल झाले.

फोटो (१६०६२०२१-कोल-मूक आंदोलन सोशल मीडिया ०२) : ‘छत्रपती खडे तो सरकार से भी बडे...!’ या संदेशासह हे छायाचित्र बुधवारी सोशल मीडियावर व्हायरल झाले.

फोटो (१६०६२०२१-कोल-मूक आंदोलन सोशल मीडिया ०३) : ‘मतासाठी नव्हं तर मराठा आरक्षणासाठी पावसात भिजणारा जाणता राजा, कोल्हापूरचे युवराज संभाजीराजे छत्रपती’, ‘एकच मिशन मराठा आरक्षण’, असे संदेश बुधवारी सोशल मीडियावर व्हायरल झाले.