कोल्हापूर : आयपीएल क्रिकेट सामन्यावर बेटिंग घेणा-या एकास स्थानिक गुन्हे अन्वेषण पथकाने छापा टाकून अटक केली. आसिफ निसार कुडचीकर (वय ५२, रा. शुभश्री रो बंगलोज, बंगला नं.९, अरुण सरनाईकनगर, क्रांतीसिंह नाना पाटीलनगर, कोल्हापूर) असे अटक केलेल्याचे नाव आहे. त्याच्याकडून २४ हजार ७०० ची रोकड, रंगीत एलईडी, पाच मोबाईल संच असा सुमारे ५३ हजार ३०२ रुपयेचा मुद्देमाल जप्त केला. ही कारवाई टाकाळा परिसरातील माळी कॉलनीत निवारा अपार्टमेंटमध्ये मंगळवारी रात्री उशिरा केली.
पोलिसांनी दिलेली माहिती अशी की, दुबईमध्ये नुकतेच आयपीएल क्रिकेट सामने सुरू झाले आहेत. मंगळवारी पंजाब किंग्जविरुध्द राजस्थान रॉयल्स हा क्रिकेट सामना सुरू असताना टाकाळा परिसरातील माळी कॉलनीती निवारा अपार्टमेंटमधील एका फ्लॅटमध्ये बेटिंगचा जुगार खेळ घेत असल्याची माहिती स्थानिक गुन्हे अन्वेषण पथकास मिळाली. त्यानुसार पोलिसांनी त्या अपार्टमेंटवर छापा टाकला. त्यावेळी त्या अपार्टमेंटमधील विनयकुमार ऊर्फ राजू दानय्या स्वामी यांच्या फ्लॅट नं. २०३ मध्ये संशयित आरोपी आसिफ कुडचीकर हा मोबाईल फोनद्वारे क्रिकेट बेटिंगचा जुगार खेळ घेत असल्याचे निदर्शनास आले. त्या पोलिसांनी पकडले. त्याच्या ताब्यातून रोकडसह एकूण ५३ हजारांचा मुद्देमाल जप्त केला. त्याला पुढील कारवाईसाठी राजारामपुरी पोलिसांच्या ताब्यात दिले.
ही कारवाई स्थानिक गुन्हे अन्वेषणचे पो. नि. प्रमोद जाधव यांच्या मार्गदर्शनाखाली उपनिरीक्षक किशोर डोंगरे, सहा. फौजदार नेताजी डोंगरे, हे. कॉ. श्रीकांत मोहिते, उत्तम सडोलीकर, रणजित कांबळे, वैभव पाटील यांनी केली.
फोटो नं. २२०९२०२१-कोल-आसिफ कुडचीकर (आरोपी)
220921\22kol_2_22092021_5.jpg
फोटो नं. २१०९२०२१-कोल-आसिफ कुडचीकर (आरोपी)