क्रीडा विभागातील ढिसाळ कारभाराची चौकशी करा

संबंधित अधिकाऱ्याला निलंबित करा’, ‘झालेल्या नुकसानीला जबाबदार कोण?’, ‘खेळाडूंना न्याय मिळालाच पाहिजे,’ असे फलक हातांमध्ये घेऊन जोरदार घोषणाबाजी केल्याने काही काळ वातावरणात तणाव निर्माण झाला.

ठळक मुद्देकोल्हापूर शहर व जिल्हा नागरी कृती समितीची निदर्शने

कोल्हापूर : शिवाजी विद्यापीठाच्या क्रीडा विभागाच्या अनागोंदी कारभारामुळे अनेक खेळाडूंचे नुकसान झाले. संबंधित अधिकारी यांच्यावर कारवाई क रावी, अशी मागणी करीत कोल्हापूर शहर व जिल्हा नागरिक कृती समितीच्या वतीने गुरुवारी मुख्य इमारतीसमोर जोरदार निदर्शने करण्यात आली.

शिवाजी विद्यापीठाच्या अधिसभेमध्ये याबाबत सदस्यांनी आवाज उठवावा, या मागणीसाठी कृती समितीच्या वतीने हे आंदोलन करण्यात आले होते. कृती समितीच्या वतीने ‘संबंधित अधिकाऱ्याला निलंबित करा’, ‘झालेल्या नुकसानीला जबाबदार कोण?’, ‘खेळाडूंना न्याय मिळालाच पाहिजे,’ असे फलक हातांमध्ये घेऊन जोरदार घोषणाबाजी केल्याने काही काळ वातावरणात तणाव निर्माण झाला.

अशोक पोवार म्हणाले, शिवाजी विद्यापीठातील क्रीडा विभागाच्या कारभाराची अधिसभेमध्ये चर्चा व्हावी, क्रीडा विभागाची ढासळलेली गुणवत्ता पुन्हा उंचावण्यासाठी विभागात तज्ज्ञ प्रशिक्षकांची नेमणूक, दर्जेदार क्रीडासाहित्य, क्रीडांगण व प्रशिक्षक मिळावेत, यासाठी आम्ही हे आंदोलन केले आहे.

रमेश मोरे म्हणाले, क्रीडा विभागाच्या व्यथेबाबत प्रशासनासोबत कृती समितीने चर्चा केली आहे. संबंधित घटकांवर कारवाई करावी, या मागणीसाठी सिनेट सभासदांची आम्ही भेट घेऊन त्यांना क्रीडा विभागातील कारभाराबाबत सविस्तर माहिती दिली आहे.

यावेळी खेळाडू पृथ्वीराज शिंदे, अक्षय वाळके, अखिल मोरे, राजू मालेकर, दीपक गौड, उत्तम वंदुरे, मानसिंग पाटील, चंद्रकांत बराळे, संभाजी जगदाळे, चंद्रकांत पाटील, लहुजी शिंदे, रामभाऊ कोलेकर, प्रदीप मोरे, शुभम मुळेकर, अमर ढेरे, करण खाडे, आदिनाथ गौड, प्रसाद पाटील, अक्षय खरबडे, अनिकेत कोर्इंगडे, सुशांत पाटील, चंचल देशपांडे, सुरेश पाटील, अंजुम देसाई, साहील मुजावर, आदी उपस्थित होते.