गडहिंग्लज संक्षिप्त बातम्या

गडहिंग्लज : गडहिंग्लज उपजिल्हा रुग्णालयातील कोरोनाबाधित रुग्णांसाठी येथील होप फाउंडेशनतर्फे व्हीलचेअर भेट देण्यात आली. यावेळी फाउंडेशनचे शकील जमादार, अंकुश दोडमणी, अमोल कांबळे, अरुण पाटील, आशपाक किल्लेदार, डॉ. स्वाती कमल, शिवाजी चौगुले आदी उपस्थित होते.

--- २) हसूरवाडीत लसीकरणासाठी विशेष मोहीम गडहिंग्लज : हलकर्णी प्राथमिक आरोग्य केंद्रातर्फे कोरोना लसीकरणासाठी हसूरवाडीत आज (सोमवारी) विशेष मोहीम राबविण्यात आली, अशी माहिती सरपंच संजय कांबळे यांनी दिली.

दिवसभरात हसूरसासगिरीचे ४६, हसूरवाडीचे २२१, कडाल ५, नौकूड २, हिडदुगी ६ असे एकूण २८० नागरिकांनी डोस घेतला. यासाठी डॉ. स्नेहा दाभाडे, तलाठी संतोष पाटील, ग्रामसेवक आनंद कोठावळे यांच्यासह कोरोना दक्षता समिती सदस्यांनी विशेष परिश्रम घेतले.

३) गिजवणेची केदारलिंग यात्रा रद्द

गडहिंग्लज : गिजवणे येथे मंगळवार (२७) व बुधवार (२८) रोजी ग्रामदैवत श्री केदारलिंग देवाची होणारी यात्रा कोरोनामुळे रद्द करण्यात आली आहे. केवळ हक्कदार, मानकरी, पुजारी व डवरी यांच्या उपस्थितीत धार्मिक विधी व पूजा-अर्चा होईल, अशी माहिती खातेदार बाबासाहेब पाटील यांनी दिली.

उत्तूर परिसरात पाऊस

उत्तूर : उत्तूर (ता. आजरा) परिसरात चारच्या सुमारास वाऱ्यासह जोरदार पाऊस झाला. सलग दुसऱ्या दिवशी पाऊस झाल्याने ऊस पिकांना मिळाला. मासेवाडी, भादवण, हालेवाडी, वडकशिवाले, चिमणे, चव्हाणवाडी, उत्तूर, मुमेवाडी परिसरात पाऊस झाला. पावसामुळे शेतीकामांना वेग येणार आहे.

----------------------

-- ५) चव्हाणवाडी, होन्याळीत तहसीलदारांची भेट

उत्तूर : आजरा तालुक्यातील चव्हाणवाडी, होन्याळी येथील कोरोना वाढता संसर्ग रोखण्यासाठी तहसीलदार विकास अहिर, वैद्यकीय अधिकारी समीर तौकरी यांनी गावांना भेट देऊन पाहणी केली. यावेळी ग्रामपंचायत व कोरोना दक्षता कमिटीला गावात प्रतिबंधात्मक उपाययोजना करण्याच्या सूचना त्यांनी दिल्या.