हुपरी : हुपरी, यळगूड, रेंदाळ, रांगोळी, तळंदगे, इंगळी, आदी गावांत बंदला अभूतपूर्व असा प्रतिसाद मिळाला. आंदोलनात गावोगावचा संपूर्ण मराठा समाज सकाळपासूनच रस्त्यावर उतरला होता.मराठा आरक्षणाकडे जाणीवपूर्वक दुर्लक्ष करणाऱ्या आमदार व खासदारांचा निषेध करण्यासाठी हुपरी येथे मोर्चात त्यांची प्रतीकृती म्हणून बकरी सहभागी करण्यात आली होती.राजकीय ईर्षा, गटबाजी, मतभेद बाजूला ठेवून सर्वच राजकीय पक्षांचे पदाधिकारी आजच्या आंदोलनात सहभागी झाले होते. हुपरी व रेंदाळ येथील आंदोलकांनी दुपारचे जेवण रस्त्यावरच घेतले.हुपरी येथे मराठा आंदोलकांनी रस्त्यावरच जेवण करत शासनाचा निषेध केला.
हुपरी, रेंदाळमध्ये मोर्चा; आंदोलक रस्त्यावरच जेवले
By लोकमत न्यूज नेटवर्क | Published: August 10, 2018 6:39 PM